Beadablik AQShda yana bir arbobni hokimiyatdan qulatdi

Azim shahar Nyu-Yorkning minglab fuqarosi bugun Kongressdagi vakilidan ayrildi. Entoni Uinerga kimlar havas qilmas edi. O’rtahol yahudiy oilasidan chiqqan, o’ziga ishonchi baland, zehni o’tkir, so’zga chechan va xushbichim bu yigit avval shahar kengashiga, keyin esa AQSh oliy qonunchilik organiga saylandi. 46 yoshigacha Vakillar Palatasiga olti bor munosib ko’rilgan. Demokratik Partiyaning yorqin yulduzi, kelajagi edi u. Lekin internetda yosh qizlarga seksual gaplar yozib, o'zining yarimyalang'och rasmlarini yuborgani fosh etilgach, Uiner aybini tan olib, Kongressdagi o'rnini bo'shatishga majbur bo'ldi.