Shanba, 06-fevral, 2016 Toshkent vaqti: 07:46

Markaziy Osiyo

Germaniya Afg'onistondagi harbiy texnikani O'zbekistonda qoldiradimi?

Germaniya parlamenti harbiylarning Afg’onistonda qolish muddatini yana 13 oyga uzaytirdi. Yangi qarorga ko’ra, mamlakatda nemis harbiylari soni 4900 dan 3300 kishiga qisqaradi. Shuningdek, joriy yil shimoldagi nemis harbiy bazalarining yopilishi kutilmoqda. Matbuot xabarlariga ko’ra, Afg’onistondan chiqarilayotgan harbiy texnika O’zbekistonda qolishi mumkin. 


Germaniya parlamentida Afg'onistondagi harbiylar mandatini uzaytirish masalasi ko’pchilik ovoz bilan ma’qullandi. Zobitlar yana bir yilcha jang qiladi, faqat ularning soni sezilarli darajada kamayadi.

Bir yil davomida mingdan oshiq nemis askarining vatanga qaytishi kutilmoqda. 

Ular o'zi bilan birga harbiy texnikani ham olib ketadimi, yo’qmi, hozircha noma’lum. Masala nemis matbuotida qizg’in muhokamada.

Markaziy Osiyoni yorituvchi jurnalist Markus Bensman so'zlariga ko’ra, matbuotda paydo bo’layotgan taxminlar hozircha rasman tasdiqlanganicha yo'q.

"Biroq Toshkentning Shimoliy tranzit yo’lagi orqali chiqarilayotgan texnikadan umidi bor gap. Berlin bu masalaga ijobiy yondashishi ehtimoldan xoli emas", - deydi u.

“Berlin rasmiylari ham, siyosiy elita ham Shimoliy tranzit yo’lagi, shuningdek, Termizdagi Germaniya harbiy bazasi uchun O’zbekistondan juda minnatdor. Shuning uchun Berlin Shimoliy tranzit xavfsizligini ta’minlash, bazani saqlab qolish uchun barcha choralarni ko’rishi shubhasiz. Germaniya O’zbekistonga qurol-yarog’ qoldirishi haqidagi gaplar haqiqatga juda yaqin. Biroq mintaqada vaziyat  juda xavfli tus olmoqda. Chegaradagi ziddiyatlarni e’tiborga olsak, muzokara juda qiyin kechmoqda. Bunday paytda O’zbekiston harbiy salohiyatining oshishi ziddiyatlarni yanada kuchaytirishi mumkin. Boshqa tomondan, Rossiya Qirg’izistonni qurollantirmoqda. Bir milliard dollarlik qurol va’da berdi. Mintaqada urusholdi xavfi yuzaga kelayotgandek”, - deydi jurnalist.

Germaniya 2014-yildan keyin ham Afg’oniston tiklanishida faol ishtirok etishini, nemis mutaxassislari afg’on harbiylarini tayyorlashda qatnashishini bildirmoqda. 

Parlamentda jangovar missiyani davom ettirish ko’pchilik ovoz bilan tasdiqlansa-da, qo’shinlarni zudlik bilan olib chiqish tarafdorlari ham bor.

2014-yildan keyin, deydi Bensman, afg’on muammosi G’arb uchun dolzarbligicha qolishi gumon.

“Shuncha vaqtdan buyon vaziyat yaxshilanmadi. Afg’oniston beqarorligicha qolmoqda,  demokratik islohotlar natija bermadi. G’arb hozir ketishga shoshilmoqda. Germaniya 2014-yildan keyin ham bu mamlakatni tiklashda faol qatnashishini bildirmoqda, lekin men bunga ishonmayman”, - deydi u.

Germaniya Afg’onistonda harbiylari soni jihatidan AQSh va Britaniyadan keyingi o’rinda turadi. Bu yurt askarlari, asosan, shimolda xizmatda.

Nemislar jangovar missiya uchun Termizdagi bazadan foydalanadi, askarlar ta’minoti bevosita shu yer orqali amalga oshadi.

Malik Mansur

Malik Mansur Toshkent Davlat Universitetini (hozirda O'zbekiston Milliy Universiteti) bitirgan. Professional jurnalist. Bu sohada 1990-yilardan beri ishlab keladi. O'zbekistonda qator nashrlarda faoliyat yuritgan. "Amerika Ovozi bilan 2002-yildan buyon hamkorlik qilib keladi. Vatandagi siyosat, iqtisod va ijtimoiy hayotni yoritadi. "Vatan Manzaralari" blogini yuritadi. Malik Mansur tanqidiy maqolalari uchun 2010-yilda davlat organlariga tuhmat qilganlik, haqoratlaganlik va jamoat xavfsizligiga tahdid solganlik aybi bilan Toshkentda sudga tortilgan. Jurnalist va uning reportajlarini efirga uzatgan "Amerika Ovozi" bu ayblovlarni asossiz deb hisoblab, sud ishini so'z va matbuot erkinligini cheklash uchun qilingan qadam deb atagan.
 

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Saylov-2016: Osiyoliklar ovozi muhimi
X
06.02.2016 00:02
Kelasi chorak asrda Amerikada osiyolik elektorat kamida ikki karra oshadi. 2040-yilga borib, har 10 amerikalikdan biri osiyolik bo’ladi. Lekin siyosatchilar bu jamoaga ko’p ham xushomad qilmayapti. Chunki AQShdagi boshqa immigrant jamoalardan farqli bu guruh ko'ngliga yo'l topish qiyin.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Yaponiyada vulqon portladi
  • "WikiLeaks" asoschisi Julian Assanj Ekvadorning Londondagi elchixonasidan turib matbuot xodimlari bilan gaplashmoqda. BMT hay'ati nazarida uni hibsga olish uchun asos yo'q.
  • Nyu-Gempshir shtati
  • Ukraina
  • Shimoliy dengiz sohillarida, Britaniya
  • Filippinda Xitoyga qarshi chiqishlar
  • Suriya
  • Pokistonda "Kashmir birlashsin" degan talablar ostida namoyishlar
  • Vatikan
  • Singapurda yangi yil
  • Quddus
  • Belgiya
  • Turkiya

Interaktiv

SAYTGA KIRISHNING XAVFSIZ YO’LI