Juma, 31-oktyabr, 2014 Toshkent vaqti: 22:46

Yaqin Sharq

Isroil saylov natijalari amaldagi siyosatni o’zgartirmaydi

Multimedia

Audio
Amerika Ovozi
Isroilda parlament saylovlari natijasiga ko’ra, Bosh vazir Benyamin Netanyaxu hukmron alyans hamda so’lchi-markazchi partiyalar teng ovoz to’plagan. Tomonlar 120 kishilik organda 60 tadan o’rinni qo’lga kiritdi.

Netanyaxu endi ular bilan koalitsiya tuzishi kerak bo’ladi. Lekin Isroilning xavfsizlik va yirik mintaqaviy masalalar bo’yicha pozitsiyasi o’zgarishi kutilmayapti.

Hukumat tepasidagi “Likud” va “Yisrael Beytenu” (“Bizning uy”) partiyalari Knessetdagi o’rinlarining to’rtdan bir qismini boy bergan bo’lsada, 31 o’rin bilan baribir ustunlikni saqlab qoldi.

Ikkinchi o’rinda “Yesh Atid” partiyasi, 19 o’rin bilan. Leyboristlar, ultra-millatchilar va Shas diniy partiyasi 11 tadan o’rinni qo’lga kiritdi. Bosh vazir Benyamin Netanyaxu olti hafta ichida yangi hukumat tuzishi kerak.

Tahlilchilar fikricha, natijalar shundan dalolat beradiki, askar saylovchilar o’zgarish bo’lishini istaydi. Isroilda yosh siyosatchilar avlodi yetishib chiqayotganini ham ko’rish mumkin. 

Bosh vazir saylov kampaniyasida ko’tarilgan ijtimoiy-iqtisodiy muammolarni birma-bir hal qilishga va’da bermoqda, lekin mintaqaviy xavfsizlik bo’yicha pozitsiya o’zgarmaydi.

“Birlamchi vazifa yahudiy davlati yuzlashayotgan tahdidlarni hisobga olgan holda kuchli xavfsizlikni ta’minlash. Eronga yadro qurolini qo’lga kiritishga yo’l qo’ymaslik”, - dedi Benyamin Netanyaxu g’alaba nutqida. 

Siyosatshunos Avraam Diskinning qayd etishicha, hukmron alyans parlamentda 11 o’rinni boy berdi. Arab-Isroil ixtilofi saylovchilarni ikkiga bo’lib qo’ygan.

“Isroil fuqarolarining qariyb 70 foizi yahudiy davlati va Falastin ikki alohida, mustaqil davlat bo’lishini, tinchlik muzokaralari davom etishini yoqlaydi. Lekin muzokara samara berishiga ishonadiganlar ozchilik”, - deydi olim.

“Likud” ning ashaddiy tarafdorlari bu gal raqib partiyalarga ovoz berganining yana bir sababi iqtisodiy muammolar bois hukumatdan norozilikka borib taqaladi.

Saylovda ikkinchi o’rinni qo’lga kiritgan “Yesh Atid” so’l partiyasi rahbari Yaid Lapid koalitsiyaga qo’shilishga qarshi emas, agar hukumat o’rta qatlam farovonligini oshirishga va’da bersa. 

“Yaqin Sharq tinchlik muzokaralarini ham qayta boshlash va kelishuvga erishish zarur”, - deydi u.

Millatchilar sardori Naftali Bennett esa G’arbiy sohil hech qachon Falastinga berilmaydi, deya ta’kidlamoqda. Eronning yadro dasturini to’xtatish borasida barcha taraflar yakdil.

Siyosatshunos Deni Rubinshteynga ko’ra, arab bahorini boshdan kechirgan qo’shni davlatlarda islomiy kuchlar hokimiyatga kelayotgani Isroilda xavotir uyg’otmoqda.

“Arablarga ishonch yo’q. Misr bo’ladimi yoki Suriya, amaldagi rejimlar bilan bitim imzolaysizda, ular qulagach yangi hukumatlar o’z talablari bilan chiqaveradi”, - deydi sharhlovchi. 

Natijada, deydi ekspertlar, yahudiy davlatining mintaqaviy strategiyasida xavfsizlik bosh o’rinni egallashda davom etadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI