Afg’oniston tarixi, san’ati va arxeologiyasi bo’yicha amerikalik taniqli ekspert Nensi Hetch Dupri 90 yoshida olamdan o’tdi. U so’nggi kunlarini Kobuldagi kasalxonada o’tkazgan.
Dupri 1962-yil bu o’lkaga ilk bor diplomatning rafiqasi sifatida kelgan. Shundan beri butun umrini Afg’oniston madaniy tarixini asrab-avaylashga sarfladi.
Dupri 2013-yil Kobul universitetida Afg’oniston markaziga asos solgan edi. Bu markaz mamlakat tarixi, madaniyati va jamiyatini o’rganishga bag’ishlangan ilk ilmiy muassasa hisoblanadi.
1990-yillardagi fuqarolar urushi va Tolibonning hukumatga kelishi ham Duprini muntazam Kobulga tashrif buyurishdan to’sa olmadi.
Olima Afg’oniston haqida 5 ta qo’llanma va yuzlab maqolalar yozgan. Butun Afg’onistonni kezib chiqqan. Hatto sovetlar davrida mamlakatdan chiqarib yuborilgan.
Dupri turmush o’rtog’i bilan Afg’oniston tarixiga oid minglab hujjatlar to’plagan. Ular Afg’oniston markaziga topshirilgan.
Facebook Forum