Pokiston jangarilar manzillarini havodan urdi

  • Amerika Ovozi

Piyoda qo'shinlar va havo kuchlari Shimoliy Vaziristonni bombardimon qilmoqda.

Piyoda qo'shinlar va havo kuchlari Shimoliy Vaziristonni bombardimon qilmoqda.

O’lganlarning ko’pi Afg’oniston bilan chegaradosh hududda jon saqlayotgan O’zbekiston islomiy harakati vakillari.

Pokiston armiyasi bugun Shimoliy Vaziristonda jangarilarni havodan o’qqa tutib, 27 nafarini o’ldirgan. Terroristlar yashiringan olti manzilga raketa yog’dirilgan.

Pokiston mulozimlarining aytishicha, o’lganlarning ko’pi Afg’oniston bilan chegaradosh bu hududda jon saqlayotgan O’zbekiston islomiy harakati vakillari.

Pokiston Bosh vaziri Navoz Sharif bugun parlamentda so’zlab, toliblar bilan muzokarani to’xtatish va hujumlarga zo’r berish qarorini izohlaydi.

Hukumat kecha Afg’oniston bilan chegaradosh viloyatlarni al-Qoidaga aloqador ajnabiy va mahalliy jangarilardan tozalash kampaniyasini e’lon qilgan edi.

O’tgan hafta Karachidagi aeroport terrorchilar hamlasiga uchrab taxminan 40 odam jon bergan edi. Shulardan 10 nafari toliblar bo’lgani ma’lum. Hujumni Pokiston Toliboni va O’zbekiston islomiy harakati birga amalga oshirganini da’vo qilmoqda.

Kecha, shuningdek, Pokiston armiyasi tunda Shimoliy Vaziristonda 80 terrorchini yo’q qilganini aytgan. Asosan, o’zbek jangarilar o’ldirildi, deydi rasmiylar.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG