Texasda qurg'oqchilik, rancholar bo'shab qolgan

  • Amerika Ovozi

Qurg'oqchilik iskanjasida qolgan Texasda qora mol - birinchi qurbon

Qurg'oqchilik iskanjasida qolgan Texasda qora mol - birinchi qurbon

AQSh janubi qurg’oqchilikdan aziyat chekmoqda. Qishloq xo’jaligiga asoslangan shtatlarda vaziyat tang. “Amerika Ovozi” yaqinda Texasda bo’lib, chorvadorlar dardiga quloq tutdi.

Qurg'oqchilik dehqonlar va chorvadorlar hayotini yanada og'irlashtirgan

Qurg'oqchilik dehqonlar va chorvadorlar hayotini yanada og'irlashtirgan

Texas shtatida qoramol savdosi avjida. Yaylovlar qurigani sababli Eshli Nolan kabi fermerlar chorvani ertaroq sotib yuborishga harakat qilyapti. Bu esa oson emas.

”Qiyin bo’ldi. Butun yoz chorvamizning deyarli hammasini birma bir sotib bo’ldik. Yom’gir yo‘garmikin dedik, kutdik, bo’lmadi”.

Texas shimolidagi Labbok degan bu hudud faqat rancholardan iborat. Bu yili odatdagidan besh barobar kamroq yog’ingarchilik kuzatildi. Rik Kellison qurg’oqchilikdan tinkamiz quridi, deydi.

Texasdagi Benbruk ko'lida suv sathi pasaygani bois baliqlar nobud bo'lmoqda

Texasdagi Benbruk ko'lida suv sathi pasaygani bois baliqlar nobud bo'lmoqda

”Ilgari bundan ham kuchliroq qurg’oqchilik bo’lgan derdim. 60 ga kirdim. Bunisi eng yomoni”.

Kellison molining yarmini sotishga majbur bo’ldi. Qurg’oqchilik oqibatida narxlar osmon barobar oshib ketdi. Boshqa chorvadorlar qatorida Kellison ham muqobil yo’llarni izlamoqda.

Odatda arzon mahsulotlar soni ham oshib ketdi bugun. Qurg’oqchilik paxtazorlarni payhon qildi. Bu degani boshqa narsalarning bahosi ham osmonga chiqmoqda.

Kellison kamroq yem yeb, ko’proq sut beradigan sigirlar yetishtirish ustida o’n yildan ko’proq ter to’kdi. Endi esa ularni pullashga majbur.

Texas bu yil yong'inlardan ham ko'z azob chekdi. Ekinzorlar, mol boqiladigan daralar vayron bo'ldi.

Texas bu yil yong'inlardan ham ko'z azob chekdi. Ekinzorlar, mol boqiladigan daralar vayron bo'ldi.

“Nimalarni orzu qilmagan edim… Hozir bu molni sotadigan emas, uning rohatini ko’radigan payt”.

Ko’plab fermerlar chorvachilikdan voz kechmoqda, deydi u.

“Faqat pul desangiz va molga joningiz achimasa, ularni sotib yuborish – eng oson yo’l.”

Ammo Kellison uchun bu qiyin qaror.

“Sigirlarimning oti bor. Biz birinchi navbatda ular haqida qayg’uramiz”.

Texasda qurg'oqchilik, rancholar bo'shab qolgan

Texasda qurg'oqchilik, rancholar bo'shab qolgan

Kellison va uning oilasi uchun qoramol asosiy boylik. Shu bois u hozircha chidayapti, sotmoqchi emas.

Texasda chorvadorlarni xursand qiladigani – mol narxining balandligi. Iqtisod chatoq bo’lib turgan davrda bu ayni muddao. Ortiqcha pul qurg’oqchilikdan o’tib olish imkonini beradi.

Texasda qurg'oqchilik, rancholar bo'shab qolgan

Texasda qurg'oqchilik, rancholar bo'shab qolgan

Tanganing ikkinchi tomoni shundaki, qoramol kamayar ekan, go’sht narxi oshishi aniq. Sotilgan molning esa qaytishi qiyin, deyishadi. Yana pul kerak.

“Qurg’oqchilik hali tugamaydi deb xavotirdaman. Qachon bitadi, bilmaymiz”.

Kelasi yil ham ob-havo quruq kelishi aytilmoqda. Mutaxassislar Texasda qurg’oqchilik o’n yil davom etishi mumkin deya taxmin qilmoqda. Shu kungacha Texas shtati chorvadorlari jami 5 milliard dollarlik ziyon ko’rdi. Iqlim hali-beri normallashmasa, rancholar vayron bo’ladi, deydi fermerlar.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG