Payshanba, 28-avgust, 2014 Toshkent vaqti: 08:03

AQSh-Markaziy Osiyo

Ashgabatda AQSh-Turkmaniston yillik maslahat kengashi bo'lib o'tdi

AQSh delegatsiyasiga Davlat kotibi muovini Robert Bleyk boshchilik qildi.
AQSh delegatsiyasiga Davlat kotibi muovini Robert Bleyk boshchilik qildi.
Turkmaniston presidenti Qurbonguli Berdimuhammedov Ashgabatda AQSh Davlat kotibining Janubiy va Markaziy Osiyo bo’yicha muovini Robert Bleykni qabul qildi.


Uchrashuvda tomonlar o’zaro hamkorlikni rivojlantirishdan manfaatdorligini qayd etishgan. AQSh diplomati Turkmanistonga Afg’oniston bo’yicha hamkorlik uchun minnatdorchilik bildirgan. Ashgabatda AQSh-Turkmaniston o’rtasidagi yillik maslahatlashuv kengashi bo’lib o’tgan.

Turkman muxolifati esa muloqotda fuqarolik jamiyati va inson huququlari masalasi ham muhokama qilinishi muhim ekaniga urg’u bermoqda. 

Prezident Qurbonguli Berdimuhammedov Robert Bleyk bilan uchrashuvda Turkmaniston AQSh bilan siyosiy, iqtisodiy va madaniy sohalarda hamkorlikni rivojlantirishga tayyor ekanini bildirgan.

Bleyk deydiki, mintaqa xavfsizligini ta’minlash yo’lidagi hamkorlikni mustahkamlashga shay.

Turkmaniston Afg’onistondagi qo’shinlar ehtiyoji uchun muhim sanalgan yonilg’i tam’inotida, shuningdek, turli havo amaliyotlari masalasida Turkmaniston yaqindan ko’mak ko’rsatib kelayotgani ta’kidlanadi.

AQSh-Turkmaniston hamkorligining istiqboldagi muhim yo’nalishi energetik soha ekani aytiladi. Ammo Ashgabat tarqatgan rasmiy ma’lumotlar bu boradagi muzokaralar tafsilotiga to’xtalmaydi.

Quvg’indagi muxolifat yetakchisi Nurmuhammad Xanamovga ko’ra, muzokaralardagi asosiy masala, albatta, energetika.

“AQSh Turkmaniston gazini Rossiyani chetlab Yevropaga olib chiqish tarafdori. Hozir bu boradagi loyiha ustida ishlanmoqda”, - deydi Respublika partiyasi rahbari Xanamov.

Turkmaniston ham energetik sohadagi hamkorlari ko’payishidan manfaatdor. Bu safardan biroz avval Ashgabat gaz zaxiralari Rossiya, Xitoy va Yevropa ehtiyojlarini qondirishga ham yetarli ekani haqida bayonot tarqatgan edi.

Yillik maslahatlashuv yig’ilishida fuqarolik jamiyati taraqqiyoti va inson huquqlari bilan bog‘liq masalalar ko’tarilishi ham ma’lum qilingan edi. Ashgabatdagi muloqotda bu qanchalik muhokama qilingani no’malum.

Turkman muxolifatiga ko’ra, AQSh diplomatlari bu masalani ko’targan bo’lishi mumkin, lekin rasmiy Ashgabat bunday vaziyatlarda sukutda turishni lozim ko’radi.

“Safar davomida Turkmanistondagi inson huquqlari masalasi, demokratik islohotlar gaplashilishi kutilgan edi. Lekin Turkmaniston hukumati o’zi manfaatdor bo’lmagan bunday masalalarni e’tiborsiz qoldirishga urinadi. Shuning uchun islohotlar masalasi jiddiy muhokama qilinganiga ishonchim kam. Biroq shunday oliy toifadagi uchrashuvlarda faqatgina iqtisodiy hamkorlik emas, demokratik islohotlar masalasi ham jiddiy muhokama qilinishiga umid qilging keladi”, - deydi muxolifatdagi Respublika partiyasi rahbari, Venada yashayotgan Nurmuhammad Xanamov.

AQSh Davlat kotibining Janubiy va Markaziy Osiyo bo’yicha muovini Robert Bleyk mintaqa bo’ylab safarini Qirg’izistonda davom ettirmoqda.

AQSh-Markaziy Osiyo-Afg'oniston/US-Central Asia-Afghanistani
X
22.01.2013 22:14
AQShning Janubiy va Markaziy Osiyo bo'yicha bosh diplomati Robert Bleyk o'tgan hafta Qirg'iziston va Turkmanistonda bo'ldi. Mintaqa taraqqiyoti va xavfsizligidan Amerika cheksiz manfaatdor, deydi u. Ashgabat va Bishkekdagi uchrashuvlarda asosan Afg'onistondan keyingi maqsadlar haqida gap ketdi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Qochqin maqomini olish murakkab jarayon - US/Refugee Statusi
X
28.08.2014 02:39
Har yili Amerikaga minglab odamlar boshpana izlab keladi. Qochqin degan maqom uchun murojaat qiladi. Lekin uni olish juda qiyin.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Maxmur shahridagi kurd jangchilari
  • Maxmur shahridagi kurd jangchilari
  • Maxmur shahridagi kurd jangchilari
  • Maxmur shahridagi kurd jangchilari
  • Karbalo shahrida shialar ko'ngilli xizmatga tayyor
  • Bag'dod
  • Hilla shahri
  • Bag'dod
  • Bag'dod
  • Iraq
  • Iroq-Turkiya chegarasida
  • Bag'dod
  • Bag'dod
Fotogalereya

Fotogalereya Kaliforniya shimolida zilzila, 6 balda

24-avgust kuni Kaliforniya shtati shimolida yer qimirladi. Uning kuchi 6 balni tashkil etgan. Hududda azaldan zilzila ehtimoli yuqori. Binolar vayron bo'lgan, yong'inlar va elektr tarmoqlarida uzilish kuzatilgan. Hech kim o'lmagan. Lekin tunda yuz bergan tabiiy ofat aholi orasida katta vahima uyg'otgan. Zilzila ayniqsa Napa shahrida qattiq sezilgan.
Fotogalereya

Fotogalereya O'zbek shoirasi Zulfiya Boboyeva xonadonida - Tojikistonning Mujun qishlog'idan fotolavha

Tojikiston aholisining 24 foizi, ikki millondan ortig’ini o’zbeklar tashkil etadi. Ular orasida yuzdan ortiq shoir va ijodkorlar bor. Respublika shimolining O’zbekiston va Qirg’iziston bilan chegaradosh G’onchi nohiyasining so’lim Mujun qishlog’ida o’zbek adabiyotining yorqin yulduzlaridan biri, shoira Zulfiya Boboyeva yashaydi. So’g’d viloyat o’zbeklar ma’naviyat va ma’rifat markazi tashabbusi va G’onchi nohiyasi raisi Zafar Ismoilzodaning joriy yil 30-iyulidagi qarori bilan Tojikiston yozuvchilar uyushmasi a’zosi, Maftun Jo’ra nomidagi adabiy mukofot laureati Zulfiya Boboyevaning 60 yoshlik yubiley tantanalari bo'lib o'tdi. Tadbir uning xonadonida kechdi. Shoira yura olmaydi. Boshlang’ich maktabda o'qib yurganidan beri aravachaga mixlanib qolgan. Ijod uning hayoti mazmuniga aylangan. Yosh qizaloq she'rga havas qo’yib, mustaqil o’qib o’rganadi, ma’lumotli bo’ladi. O’zining she’riy satrlarida bitganidek: Bo’ldilar she’rim bayotim-sabrim saodati, Yo’g’rildi shu sabab ishqqa ko’nglimning toati!
Fotogalereya

Fotogalereya Tripolidagi xalqaro aeroport jangarilar qo'liga o'tdi

Muxolifatdagi islomiy guruhning qurollangan vakillari Liviya poytaxti Tripolidagi xalqaro aeroportni egallab oldi. Ular amaldagi parlament faoliyatini noqonuniy deb hisoblab, avvalgi Milliy Kongressning qayta tiklanishini talab qilmoqda.
Fotogalereya

Fotogalereya Donetskda o'ziga xos parad

Ukraina mustaqillik bayramini nishonlar ekan, sharqda bo'lginchilar asirdagi askarlarni ko'chalardan namoyishkorona olib o'tishdi
Fotogalereya

Fotogalereya Isroil va XAMAS o'rtasida yana otishma boshlandi

Qohiradagi muzokaralar muvaffaqiyatsiz yakunlangach, vaqtinchalik sulh tugashi bilan Isroil va XAMAS o'rtasida yana otishma boshlanib ketdi.
Fotogalereya

Fotogalereya Jangarilar jurnalistni qatl etdi

"Iroq va Shom islomiy davlati" "YouTube"ga yuklagan video "Amerikaga xabar" deya nomlanadi. Unda tizzalab o'tirgan amerikalik jurnalist Jeyms Folining boshi tanasidan judo qilingani ak etgan. Hozirda video "YouTube" tomonidan olib tashlangan.

Interaktiv

SAYTGA KIRISHNING XAVFSIZ YO’LI