Payshanba, 23-oktyabr, 2014 Toshkent vaqti: 14:19

Xalqaro

Misrdagi o'zgarishlar Markaziy Osiyoda qanday aks-sado bermoqda?

Multimedia

Audio
Misrda endigina qasamyod keltirib, vazifasiga rasman kirishgan prezident Muhammad Mursiy dunyoviy tuzum va fuqarolik jamiyatini qurishga va’da bermoqda. Yaqin Sharqdagi inqiloblardan so’ng mintaqada islomiy oqimlarning kuchayayotgani kuzatiladi.

Hokimiyatga islomiy kuchlar kelishi mumkin degan da’vo bilan demokratik harakatlarni cheklab kelayotgan Markaziy Osiyo rahbarlarini bu hol tashvishlantirayotgan bo’lsa ajab emas. Ayniqsa, O’zbekiston, Turkmaniston va va Tojikistonda. 

Mintaqada ba’zilar Musulmon Birodarlar safidan bo’lgan Muhammad Mursiyning hukumat tepasiga kelganidan so’ng Misr ham Eron singari islom davlati bo’ladi yoki terroristlar makoniga aylanadi degan fikrlarni bildirayotgan bo’lsa-da, Tojikistonda dindorlar va ziyolilar bu fikrga qo’shilmaydi.
 
So’g’ddagi “Higdalik Ota” jome’ masjidi imom xatibi o’rinbosari Mirzo Ismoilov nazarida Misrning yangi prezidenti mamlakatni xalqaro maydonda va mintaqada baland martabalarga olib chiqadi. 
 
Misr xalqaro terrorizmning har qanday ko’rinishlariga qarshi harakat qiladi, deydi u.
“Inshalloh, ular xalq uchun yaxshilik, omonlik va baxt olib keladi”.
 
Mahalliy ekspert Abdujabbor Yo’ldoshev Mursiy saylovchilar oldida bergan va’dalarini bajara olishiga, hokimiyatda uzoq tira olishiga shubha bilan qaraydi.
 
Negaki, u yerda har xil siyosiy partiyalarning fikrlari turlicha, biri islom davlati istasa, boshqasi bunga zid, deydi u.
 
“Mursiyning hukmronligi uzoqqa bormaydi. Negaki, u harbiylar vakolatini cheklashga harakat qilmoqda. Misrda harbiylar uzoq vaqt davlat boshqaruvida asosiy kuch hisoblangan, azaldan shunday edi va shunday qoladi. Lekin Mursiy sha’riyat hukmlarini joriy etsa, Misrning ravshanfikrli kishilari qarshi chiqadilar. U mamlakatdagi ikki kuchni birday qo’llay olishi mumkin emas. U yo Musulmon Birodarlarni to’la qo’llashi kerak yoki dunyoviy tuzum tarafdorlari va harbiylarga yon berishi zarur bo’ladi”.

Misrdagi o'zgarishlar Markaziy Osiyo nazarida, Ravshan Shams
Misrdagi o'zgarishlar Markaziy Osiyo nazarida, Ravshan Shamsi
|| 0:00:00
...
 
🔇
X

 
Rossiya Fanlar Akademiyasi  qoshidagi Jahon Iqtisodiyoti va Xalqaro Aloqalar Instituti ilmiy xodimi Georgiy Mirskiyning fikricha, Mursiy noaniq siyosiy vaziyatda prezidentlikka saylangan. Mamlakatda parlament ham, konstitusiya ham yo’q.
 
“Barak Obama Amerikani, Putin Rossiyani yoki Fransua Olland Fransiyani boshqargandek Mursiy Misrni boshqarolmaydi. U sodda va oddiy figura”.
 
Mirskiyning fikricha, hokimiyat tepasiga kelgan Musulmon Birodarlar katta kuch hisoblansa-da, mamlakatda aniq bir siyosat yoq. Ekstremistik qarashlar keng tarqalgan. 

“Bunaqada tasavvur qiling, piramidalar tevaragida shortikda yurishga qo’yadilarmi? Bunday bo’lmaydi axir. Ammo men aytardimki, Musulmon Birodarlarning hukumat tepasiga kelishi, bu fanatizmning g’alabasi emas,  bu- miqdorning sifatga aylanishidir. Ya’ni, aldoqchi va makkor hukmdorlar o’rniga endi xalq orasidan aniq va lo’nda ishni qiladiganlar chiqmoqda. Lekin harbiylar bilan kelishiv, albatta bo’ladi”.
 
Tojikistonlik demokrat Fayzullo Fayziev fikricha Misrda davlat kelajagi noaniq va bunga G’arb siyosati sabab bo’ldi.  
 
AQSh va Yevropa Ittifoqi uzoq yillar davomida Anvar Saodat va Husni Muborakka o’xshaganlarni qo’llab keldi.
 
 ”Lekin Mursiy u qadar bir taraflama ayovsiz radikal guruhlar yo’liga kiradigan aqlsiz kishi emas. U, davlat va jamiyat manfaatlarini nazarga olib, albatta, islom ruknlariga amal qiladi. Lekin Misr manfaatlari uchun qaysi yo’l to’g’ri kelsa, ana o’shani tanlaydi. Bizning rahbarlarimiz ham ana shunday bo’lishlari kerak”.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Misrdagi vaziyat - US/Egypti
X
22.10.2014 23:59
Amerika "Islomiy davlat" terror tizimiga qarshi kurashda Misr bilan hamkorlik qilishga bel bog'lagan. "Isroil-Falastin mojarosiga yechim izlashda ham bir yoqadan bosh chiqaramiz", deydi Davlat kotibi Jon Kerri. Biroq Vashington Misrdagi bugungi vaziyatdan xavotirda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI