Shanba, 01-noyabr, 2014 Toshkent vaqti: 03:49

Markaziy Osiyo

O’shda etnik hamjihatlikni targ’ib qilayotgan san’atkorlar

Qirg’izistonning O’sh shahridagi o’zbek akademik musiqiy drama teatrida xalqlar do’stligiga bag’ishlangan konsert o’tkazildi. Yosh qirg’iz va o’zbek san’atkorlari sahnaga chiqdi.
O'shda etnik hamjihatlikni targ'ib qilayotgan san'atkorlar/Ulug'bek Sokin
O'shda etnik hamjihatlikni targ'ib qilayotgan san'atkorlar/Ulug'bek Sokini
|| 0:00:00
...
 
🔇
X

Totuvlik va hamjihatlikni targ’ib qilishda madaniyat arboblarining roli beqiyos. “Amerika Ovozi” teatr rahbari, Qirg’iziston xalq artisti Baxtiyor To’xtamatov bilan suhbatga tortdi.

“Amerik Ovozi”: Kuni-kecha teatringizda o’tgan tadbir nimaga bag’ishlangan, qanday o’tdi? Tomoshabinlar haqida so’zlab bersangiz…

To’xtamatov: Mahalliy “Intimoq” deb nomlangan teleradiokompaniya bilan birgalikda bo’lib o’tgan ushbu konsert ikki el o’rtasidagi madaniyatimizni, ma’naviyatimizni qay darajada yaqinligini nishonlovchi bir tadbir bo’ldi. Konsertda juda ko’p yosh qirg’iz-o’zbek iste’dodli ijodkorlar qatnashdi.

Bizning teatrimiz necha yillar davomida mana shu ikki xalqning o’rtasida do’stlik ko’prigi bo’lib kelgan. 2010-yilda bo’lib o’tgan voqealardan so’ng teatrimiz jamoasi ham mana shu ikki elni, qondosh-jondosh xalqlarni bir-biriga yaqinlashtirish, o’rtada bo’lib o’tgan nizolarga barham berish bo’yicha bir qancha ishlarni olib bormoqda.

Shular qatorida mana “Qanishani ko’z yoshlari” deb nomlangan spektaklni qo’ydik. Qirg’izistonning bir necha shahar va tumanlarida ushbu postanovka olqishlarga sazovor bo’ldi. Bu bilan biz ikki el bir el, tilimiz, dinimiz bir, demoqchi bo’ldik. Mana shuni barcha muxlislarimizga tushuntirib kelayapmiz. Bundan tashqari xalqaro tashkilotlar yordamida turli joylar bolakaylari bilan bir yangi spektakl qo’ydik bu yerda. Bu ham o’z samarasini beryapti.

Aytish joizki, fevral oyida ikki buyuk bobokalonimiz Alisher Navoiyning va Zahiriddin Muhammad Boburning tavallud topgan kunlarini nishonlaymiz. Ularning yozgan she’rlaridan qo’shiqlar, ko’rinishlar qilib, ularning asarlaridan parchalar o’qib biz teatrimizda shu yozuvchilarga bag’ishlangan kecha o’tkazyapmiz. Bu kechaga nafaqat o’zbek millatiga mansub odamlar, balki qirg’iz, boshqa millatlarga mansub insonlar tashrif buyurgan.

Mana Bobur va Navoiy mavzusi bo’yicha ma’ruza qiladigan insonlar bor, aytaylik, filologiya fanlari nomzodi, teologiya kulliyoti dekani Aliyev Asilbek – qirg’iz tilida ma’ruza qiladi. Bu ham bo’lsa ana shu o’lkamizda yashayotgan ko’p millatlar vakillarining ikki buyuk bobokalonimizga bo’lgan hurmati va ehtiromi, deb bilaman.

“Amerika Ovozi: Xalqlarni jipslashtirish yo’lida madaniyatning roli haqida so’z yuritsak. San’at arboblari, san’at xodimlari ikki xalqni yanada yaqinlashtirishda qanday ishlar qilishi mumkin? Avvallari san’at odamlarining so’zlari aholi orasida katta ahamiyat kasb etardi…     
 
To’xtamatov: Madaniyat chegara bilmaydi, degani haqiqatda to’g’rida. Mana biz o’tgan yili Turkiyaga borib, bir qancha festivallarda qatnashib keldik, Jalol-Obodda bo’layotgan festivallarda qatnashmoqdamiz. Men o’ylaymanki, madaniyatni, ma’naviyatni sevgan odam hech qachon yomon yo’lga bormaydi. Biz madaniyat insonlari har bir narsaga real ravishda qarashimiz kerak, xolis baho berishimiz darkor.

Qachongina qalbimizda tozalik, go’zallik, bir-birimizga hurmat-e’tibor bo’lgan taqdirdagina biz bu yerda yaxshi hayot kechiramiz. Yaxshilikka undovchi, yaxshilikka yetaklovchi spektakllarni qo’yib tursak, elimiz o’ziga faqat yaxshi narsalarni olib chiqib ketadi, degan katta umidimiz bor.

“Amerika Ovozi”: Bu borada qanday amaliy qadamlar tashlash mumkin? Masalan, avvallari qirg’iz-o’zbek yozuvchilari, san’atkorlari, ijodkorlari bir-biriga borib turishardi. Aytaylik, O’shda, Andijonda adabiyot kechalari uyushtirilardi, bir-biri bilan tajriba almashilardi…  

To’xtamatov: Madaniy integratsiya juda katta narsa. Hozir, ayniqsa, O’shda yashayotgan barcha yozuvchilarga, ijod-qalam eliga bu narsa juda zarur bo’lib qoldi. Sababi - biz o’zimizning qozonimizda qaynamoqdamiz. Biz imkoni boricha mana shu yerda ijod qilayotgan qirg’iz-o’zbek yozuvchilarimiz bilan integratsiya qilib, bir-birimizni tushuna bilsakkina, elga to’g’ri tushuntira olamiz. Bu juda muhim masala.

Endi, uzoqqa bormaylikda, qo’shni viloyatlarni olsak (Andijon, Farg’ona, Namangan). Ular kelib bu yerda o’zlarini ijodini tanishtirib, maslahatlarini berib, yosh yozuvchilarimizga, dramaturglarimizga o’z fikrlarini bildirsa…

Mana Andijonda ham bir necha mingga yaqin qirg’izlar yashaydi. Qirg’iz yozuvchilarimiz u yerga borib o’z ijodilari bilan ularni tanishtirsa, yangi asarlarini taqdim etsa. Ya’ni bir so’z bilan mana’viy integratsiyada juda gap ko’p. Ellarni birlashtirishda, turli nojo’ya gaplarni yo’qotishda mana shu madaniyat xodimlari belini mahkam bog’lab harakat qilishi kerak, deb o’ylayman.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI