21-yanvar kuni Vashingtonga prezident Barak Obamaning qasamyod marosimini tomosha qilish uchun mamlakatning har chekkasidan yuz minglab odamlar yig’ildi. “Amerika Ovozi” fursatdan foydalanib, omma fikrini o’rgandi. Suhbatdoshlar, shubhasiz, Amerika qanday jamiyat ekanini aks ettiradi.
Amerika bugun qanday jamiyat? Navbahor Imamova
Obamani quvvatlayotganlar kim va nima uchun uning tarafida? Ramona Natera Viskonsin shtatidan. Lotin amerikalik muhojirlar oilasidan. Prezident, deydi u, “biz singari yangi amerikaliklarga g’amxo’r”.
“Uning qayta saylangani tarixiy voqea. Obama immigratsiya sistemasini butkul isloh qiladi degan umiddaman”,- deydi Ramona.
Vashington shtatilik Anna Knudson fikricha Obama mamlakat xotin-qizlari dardini tushunadi va ular manfaatini ko’zlab siyosat yuritmoqda. Ayollar Obama tomonda, deydi u.
“Qayta saylandimi, demak, Amerikada ko’pchilik Obama siyosatini yoqlaydi, ayniqsa sog’liqni saqlash va ijtimoiy himoya masalasida. Prezident boylarga emas, o’rtahol odamlarga kuyunadi",- deydi Knudson.
Mark Kim, koreys muhojirlar farzandi, Virjiniya shtatidan. Kelib chiqishi osiyolik bo’lgan amerikaliklar, deydi u, Obamani o’ziga yaqin tutadi.
“Obama bolaligining bir qismini Osiyoda o’tkazgan, Indoneziyada. Gavayi orolida tug’ilgan. U yerda ham osiyoliklar katta sonni tashkil etadi. Prezidentning singlisi bizga o’xshab osiyolik. Madaniyatimizni tushunadi”, - deydi Kim.
Luiziana shtatidan kelgan Troy Tomas esa qora tanli amerikaliklar singari Obamaga haqiqiy qahramon, namuna sifatida qaraydi. Tenglik uchun kurashgan Martin Lyuter Kingning orzusi ro’yobga chiqdi, deydi u, Barak Obama buni uddaladi.
“Irqchilikni yengamiz deya orzu qilgan edi, mana isboti. Atrofga qarang, Obamaning tarafdorlarini ko’rayapsizmi – qora, oq, har xil rangli odamlar. Bu birlik, birdamlikdan darak”,- deydi Tomas.
Amerika demokratik davlat va bag’rikeng jamiyat bo’lishi kerak deb unga asos solgan insonlar aynan shuni niyat qilgan, deydi bu fuqarolar.
Poytaxtda Inauguratsiya kuni
Inauguratsiya kuni sotilgan gazetalarning o'ziga yarasha tarixiy ahamiyati bor
Inauguratsiya marosimining dasturi sotuvda, Vashington, 21-yanvar, 2013-yil
Vashingtonda Inauguratsiya kuni, 21-yanvar, 2013-yil
Inauguratsiya kuni Vashington markazida tumonat odam bo'ldi, 21-yanvar, 2013-yil
Vashingtonda Inauguratsiya kuni, 21-yanvar, 2013-yil
Inauguratsiya marosimining dasturi sotuvda, Vashington, 21-yanvar, 2013-yil
Vashingtonda Inauguratsiya kuni, 21-yanvar, 2013-yil
Inauguratsiya kuni Vashingtonda Obamaning tasviri tushirilgan mollarning bozori chaqqon bo'ldi, 21-yanvar, 2013-yil
Inauguratsiya kuni Vashingtonda Obama va oilasi tasvirlangan suratlar va znachoklar ham sotildi, 21-yanvar, 2013-yil