Payshanba, 07-may, 2015 Toshkent vaqti: 08:35

Xalqaro

Falastin Isroilni xalqaro sudga berishi mumkin

BMT Falastinga kuzatuvchi davlat maqomini berishi ortidan Isroil Falastin hududida yahudiy posyolkalarini qurishda davom etishi haqida e'lon qildi.
BMT Falastinga kuzatuvchi davlat maqomini berishi ortidan Isroil Falastin hududida yahudiy posyolkalarini qurishda davom etishi haqida e'lon qildi.
Amerika Ovozi
Isroil Sharqiy Quddusda yahudiy posyolkalarini qurish rejasidan qaytmasligini ma’lum qildi. Falastinliklar nazarida, Isroil bosib olingan hududlarni butunlay o’ziga qo’shib olmoqchi.


Isroil hukumati Sharqiy Quddusning Ramat Shlomo nohiyasida 1500 ta yangi uy qurish rejasini ma’qulladi. Falastin yetakchilari bu xabardan darg’azab. “FATX” guruhi so’zlovchisi Ahmad Assafning aytishicha, bu ish xalqaro huquq normalariga zid va urush jinoyati bilan teng.

Isroilning bu qarorini dunyoda hech kim ma’qullamaydi. Falastinliklar bunga keskin qarshi va masalani Xalqaro sudga oshirishga tayyor, deydi u.

Quddusda yangi qurilishlar bir necha yildan so’ng boshlanishi mumkin. Hududni qurilishga tayyorlash uchun tegishli idoralardan ruxsat olish kerak.

Ramat Shlomoda yangi posyolka qurish loyihasi ilk bor bundan ikki yil muqaddam AQSh vitse-prezidenti Jo Baydenning Isroilga safari davomida e’lon qilingan edi. O’shanda bu qaror Vashington tanqidiga uchragan.

Isroilliklar orasida ham loyihaga qarshilar bor. Sharqiy Quddusda bir-biridan ajratilgan yahudiy posyolkalarining nima keragi bor, deydi ular. Masalan, G’arbiy Sohil shimolidagi Ramalloh bilan janubdagi Betlexem o’rtasini bog’laydigan yo’llar yo’q.

Qurilish tarafdorlarining aytishicha, ikki shahar maxsus yo’llar yoki yerosti tunellari yordamida bir-biriga bog’lanishi mumkin.

Isroil Bosh vaziri Benyamin Netanyaxu so’zlovchisi Ofer Geldmanga ko’ra, hukumat falastinliklar bilan bu mavzuda muzokara olib borishga tayyor.

“Bu qaror muzokaralarga to’siq emas. Falastinliklar muammoga yechim topishni istasa, nega biz bilan aloqaga chiqmaydi”, - deydi hukumat rasmiysi.

Falastinliklar esa Isroil G’arbiy Sohil va Sharqiy Quddusda qurilishlarni to’xtatmaguncha muzokara stoliga qaytmasligini aytadi. Xalqaro hamjamiyat qurilishlarni noqonuniy deb hisoblaydi. Isroil esa bunga qo’shilmaydi.

Birlashgan Millatlar Tashkiloti Falastinga kuzatuvchi-davlat maqomini berishga qaror qilgach, Isroil qurilishlarni davom ettirishga ahd qildi. Muxtoriyat nazarida bu xalqaro hamjamiyat Falastin davlatchiligini tan olganidan nishona. Endi Falastin Isroil ustidan Xalqaro jinoiy sudga rasman arz qilishi mumkin va bu yahudiy davlatini xavotirga solmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Suriyalik muhojir aka-ukalari
X
07.05.2015 00:59
Suriyadagi fuqarolar urushidan qochib yuz minglab odam o'z vatanini tark etgan. Ular orasida O'rta dengizni kechib Yevropaga yo'l olayotganlar ham bor. "Amerika Ovozi" Germaniyaga borish orzusi bilan yo'lga chiqqan aka-uka suriyaliklar bilan gaplashdi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Marhum ayol Farhundaning otasi Kobuldagi sudda so'zlayapti. 

    Afg'oniston sudi mart oyida 27 yoshli ayolni do'pposlab o'ldirganlik aybi bilan to'rt kishini o'limga mahkum etdi. Tergov doirasida jami 49 odam, jumladan, 19 politsiyachi hibsda. Ular yo hujumni to'xtatmay qarab turganlik, yo kaltaklashda qatnashganlikda ayblanmoqda.
  • Bibi Hajira, 27 yoshli Farhundaning onasi Kobuldagi sudda so'zlayapti.

    Afg'oniston sudi mart oyida 27 yoshli ayolni do'pposlab o'ldirganlik aybi bilan to'rt kishini o'limga mahkum etdi. Tergov doirasida jami 49 odam, jumladan, 19 politsiyachi hibsda. Ular yo hujumni to'xtatmay qarab turganlik, yo kaltaklashda qatnashganlikda ayblanmoqda.
  • Afg'oniston sudi mart oyida 27 yoshli ayolni do'pposlab o'ldirganlik aybi bilan to'rt kishini o'limga mahkum etdi. Tergov doirasida jami 49 odam, jumladan, 19 politsiyachi hibsda. Ular yo hujumni to'xtatmay qarab turganlik, yo kaltaklashda qatnashganlikda ayblanmoqda.

  • Afg'oniston sudi mart oyida 27 yoshli ayolni do'pposlab o'ldirganlik aybi bilan to'rt kishini o'limga mahkum etdi. Tergov doirasida jami 49 odam, jumladan, 19 politsiyachi hibsda. Ular yo hujumni to'xtatmay qarab turganlik, yo kaltaklashda qatnashganlikda ayblanmoqda.
  • Afg'oniston sudi mart oyida 27 yoshli ayolni do'pposlab o'ldirganlik aybi bilan to'rt kishini o'limga mahkum etdi. Tergov doirasida jami 49 odam, jumladan, 19 politsiyachi hibsda. Ular yo hujumni to'xtatmay qarab turganlik, yo kaltaklashda qatnashganlikda ayblanmoqda.

Interaktiv

SAYTGA KIRISHNING XAVFSIZ YO’LI