Breaking News

Aniq fanlarga qiziqqan qizlar uchun Amerikada o'qish imkoniyati


O'zbekiston va qo'shni davlatlardan ham qizlar bu dasturda qatnashishi mumkin
O'zbekiston va qo'shni davlatlardan ham qizlar bu dasturda qatnashishi mumkin

10-yanvar, Nobel mukofoti kuni, munosabati bilan AQSh Davlat kotibasi Xillari Klinton Nyu-York Fanlar akademiyasida yig'ilgan ayollarga murojaat qilib (video), yangi bir dastur e'lon qildi. Musulmon olamida ilm-fan rivojiga hissa qo'shayotgan ayollarni quvvatlovchi bu tashabbus (NeXXT Scholars Initiative) asosan qizlarga qaratilgan.

O'zbekiston va Markaziy Osiyoning boshqa davlatlaridan ham unda qatnashish mumkin.

Aniq fanlar, xususan texnologiya, muhandislik va matematika singari sohalarga qiziqqan qizlar uchun Amerika oliygohlarida o'qish uchun tanlov e'lon qilinadi. Undan o'tganlar bepul ta'lim oladi, ya'ni AQSh hukumati barcha xarajatlarni qoplaydi. Amaliyot va izlanish uchun ham sharoit yaratib beriladi.

Amerikaning 40 kollej va universiteti bu dasturda qatnashadi. Ular Davlat departamenti yordamida musulmon dunyosidagi olimalar va talabalar bilan bog'lanib, hamkorlikni yo'lga qo'yadi va alohida almashinuv dasturlari joriy etiladi.

Bakalavrlik darajasi uchun o'qish imkoniyatini yaratuvchi bu programma haqida ma'lumotlar mana bu yerda: http://bit.ly/skFxN4

Qo'shimcha ma'lumot uchun AQSh elchixonalariga murojaat qiling:

http://uzbekistan.usembassy.gov/advising.html

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG