Chorshanba, 28-yanvar, 2015 Toshkent vaqti: 14:10

Huquq va qonun

Azimjon Asqarov - matbuot erkinligi bo'yicha xalqaro mukofot sohibi

Taqdimot marosimida olingan surat, Nyu-York, 20-noyabr, 2012
Taqdimot marosimida olingan surat, Nyu-York, 20-noyabr, 2012

Multimedia

Audio
Amerika Ovozi
Nyu-Yorkda asoslangan xalqaro tashkilot, Jurnalistlarni himoya qiluvchi qo’mita, bu hafta o’zining nufuzli Matbuot Erkinligi Xalqaro Mukofotini topshirdi. Sovrindorlaridan biri - Qirg’izistonda bir umrlik qamoq jazosiga mahkum etilgan Azimjon Asqarov.

Ushbu qo’mita va boshqa qator tashkilotlar nazarida, Azimjon Asqarov asossiz sudlangan va begunohligi tan olinib, qo'yib yuborilishi kerak.

Jalol-Obodda faoliyat yuritgan bu o’zbek arbob huquqbuzarlik hollari haqida ma'lumot to'plab, mustaqil axborot vositalariga uzatib turgan, xususan Fergana.ru bilan hamkorlik qilgan.

2010-yilning iyun oyidagi xunrezliklar ketidan hibsga olinib, u Jalol-Obod viloyatining Bozor-Qo'rg'on tumanida bir militsionerning o'limida va bir nechtasiga tan jarohati yetkazganlikda, shuningdek, qurol saqlaganlik, garovga olishga harakat qilganlik va etnik adovat qo'zg'atganlikda aybdor deb topilgan. 2011-yil dekabrida Oliy Sud uning ishini qayta ko'rib chiqib, hukmni o'z kuchida qoldirgan. Asqarov biror aybni tan olmagan. 

Mahbus yaqinda BMT Inson huquqlari qo'mitasiga murojaat qilib, adolat talab qilmoqda.

Xalqaro hamjamiyat, jumladan BMT Inson huquqlari kengashi Asqarov adolatsiz qamalganini aytib, uning ozod etilishini talab qilib keladi.

Jurnalistlarni himoya qiluvchi qo’mitaning Markaziy Osiyo bo’yicha xodimi Muzaffar Suleymanov deydiki:

"Tashkilotimiz rahbarlari va xodimlari mukofotni kimga beramiz deb maslahat qilganida, bir necha nomzodni ko’rib chiqdi. Asqarov ishini o’rgangach, bu jurnalist va huquq faoli o’z ishi bilan matbuot va so’z erkinligi yo’lida xizmat qilganiga ishonch hosil qildi. Jiddiy to’siq va tahdidlarga qaramay Asqarov adolat uchun kurashdi, haqiqat dedi, axborot izladi va tarqatdi, Qirg’izistonda inson huquqlari toptalayotgani haqida odamlar bilishi kerak, dedi”.   

Qo’mita rahbari Joel Saymon "Amerika Ovozi" bilan suhbatda Azimjon Asqarovning tezda ozod etilishi va mukofotni o’z qo’li bilan olishiga umid bildirdi.

“Qamoqda o’tirgan jurnalistlardan shu narsani yaxshi  bilamanki, u yerda odam o’zini butun dunyodan ajralib qo’lgandek sezadi. Hozirda Azimjon Asqarov meni eshityapti deb umid qilaman. Shuni bilsinki, ming-minglab odamlar u haqida qayg’uryapti. Azimjon Asqarovni unutganimiz yo’q, biz uning ozod etilishini kutamiz va irodasini yo’qotmasligini tilaymiz”. 

Matbuot Erkinligi Xalqaro Mukofoti har yili dunyo bo'ylab sanoqli jurnalistlarga beriladi. Asqarov qatorida bu yili Braziliya, Xitoy va Liberiyada huquq va adolat uchun kurashgan insonlar ham e'zozlanmoqda.

Xalqaro qo’mitaning Azimjon Asqarov haqidagi maxsus videosini mana bu yerda ingliz tilida tomosha qilish mumkin: http://www.cpj.org/awards/2012/azimjon-askarov-kyrgyzstan.php
  
Tibet ahli hayotini yoritgan xitoylik jurnalist Dondup Vanchen ham hozirda qamoqda. Mukofot taqdimotida uning rafiqasi qatnashdi.

Joel Saymon bu mukofot orqali qo’mita nafaqat jasoratli jurnalistlarni taqdirlash, balki ularning ozod etilishini hukumatlardan talab qilishga intilayotganini aytadi.

“Qamoqda o’tirgan jurnalistlarni mukofatlashimizning bir sababi shundaki, biz ularning ozod etilishi uchun kurashamiz. Bugun bu yerda 900 odam yig’ilgan ekan, ular orasida eng mashhur jurnalist va muharrirlar bor, ommaviy axborot vositalari vakillari ham ko’p. Ular orqali biz jurnalistlarni panjara ortiga tashlagan hukumatlarga bunday harakat jazolanadi, demoqchimiz. Ularning xalqaro maydondagi obro’siga putur yetishini aytmoqchimiz. Bizning kurashimiz bois jurnalistlar ozod etilgan hollar bo’lgan”. 

2009-yilda mukofot ozarbayjonlik jurnalist Eynulla Fatullyevga nasib qilgan. Ko’p o’tmay rasmiy Bokuga ko’rsatilgan xalqaro bosim natijasida u ozod etilgan va 2011-yilgi marosimda mukofotni o’z qo’li bilan olishga muvaffaq bo’lgan.

Azimjon Asqarovga mukofot, Nyu-York, 20-noyabr, 2012/Navbahor Imamova
Azimjon Asqarovga mukofot, Nyu-York, 20-noyabr, 2012/Navbahor Imamovai
|| 0:00:00
...    
🔇
X

Музаффар Сулейманов, Комитет по защите журналистов, 20 ноября, 2012
Muzaffar Suleymanov, CPJ, 20-noyabr, 2012i
|| 0:00:00
...    
🔇
X

Joel Simon, CPJ executive director, November 20, 2012
Joel Simon, CPJ executive director, November 20, 2012i
|| 0:00:00
...    
🔇
X

Muzaffar Suleymanov sovrindor taqdiri haqida so'zlaydi/Музаффар Сулейманов, Комитет по защите журналистов
Muzaffar Suleymanov sovrindorlar taqdiri haqida/Музаффар Сулейманов, Комитет по защите журналистовi
|| 0:00:00
...    
🔇
X
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh Kubada elchixona ochib, aloqani tiklamoqdai
X
27.01.2015 23:28
Partiyabozlik uchiga chiqqan AQSh Kongressida demokrat va respublikachilar bir masalada hamfikr - Kuba. AQSh oradagi yarim asrlik adovatni tugatib, bu davlat bilan diplomatik aloqani tiklamoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • People walk through the gate of the Sachsenhausen Nazi death camp with the phrase 'Arbeit macht frei' (work sets you free) at the eve of the International Holocaust Remembrance Day, in Oranienburg, about 30 kilometers, (18 miles) north of Berlin, Jan. 26, 2015.
  • Stones lie on a Auschwitz-Birkenau memorial stone during the international Holocaust remembrance day in the former Nazi concentration camp Buchenwald near Weimar, Germany, Jan. 27, 2015.
  • Auschwitz survivor Miroslaw Celka walks out the gate with the sign saying "Work makes you free" after paying tribute to fallen comrades at the "death wall" execution spot in the former Auschwitz concentration camp in Oswiecim, Poland, on the 70th annivers
  • Auschwitz-Birkenau Holocaust survivor Tomy Shacham pose next to a photograph that shows him, on the left, on Jan. 27, 1945, during the International Holocaust Remembrance day ceremony in the Massuah international institute for holocaust studies in Kibbutz.
  • US film director Steven Spielberg, front row, second left, applauds while sitting in a tent raised at the entrance of the Birkenau Nazi death camp in Oswiecim, Poland during the official remembrance ceremony, Jan. 27, 2015.
  • Holocaust survivors watch suspended screens in a tent raised at the entrance of the Birkenau Nazi death camp in Oswiecim, Poland during the official remembrance ceremony, Jan. 27, 2015.

Interaktiv

SAYTGA KIRISHNING XAVFSIZ YO’LI