Breaking News

Vashington minbaridan: O'zbekiston-AQSh yanada yaqin


Elchi Vahobov: O'zbekiston ilk bor yangidan-yangi qadamlar tashlamoqda
Iltimos, kuting...

No media source currently available

0:00 0:13:39 0:00

Elchi Vahobov: O'zbekiston ilk bor yangidan-yangi qadamlar tashlamoqda

O'zbekiston mustaqilligining 27-yili Vashintonda Jahon banki qarorgohida nishonlanar ekan, respublikaning AQShdagi elchisi Javlon Vahobov deydiki, mamlakat faqat oldinga qadam tashlamoqda va shunday davom etadi. Hukumatlar bugun har qachongidan yaqin.

Hozirgi ko'tarinki kayfiyat va yuksak umidlar ortida qattiq mehnat va cheksiz qiyinchiliklar turganini mehmonlar biladi. AQSh va O'zbekiston aloqalari rasmiylari da'vo qilayotganidek yoki ishonch bildirayotganidek oldinga siljiyverishi va eng muhimi, O'zbekistondagi vaziyat avvalo xalq talabiga javob berishi uchun hali juda ko'p ishlar qilinishi lozimligini ular tan oladi va bir-biriga eslatadi. Islohot bir maromda kechmaydi, muammolar esa cheksiz.

Diplomatik tadbirda Toshkentdan mehmon bo'lib turgan Xalq ta'limi vaziri Sherzod Shermatov ham so'zladi. Vashingtonda u AQSh Ta'lim vazirasi Betsi Devos bilan uchrashdi. Shermatov deydiki, ikki davlat bu sohada hamkorlikni kengaytirar ekan, O'zbekistondagi islohotlar ham jadallashaveradi. Vashington uni juda iliq kutib olgan. Shermatov boshqa vazirliklarda ham bo'lgan, jumladan Davlat departamentida.

AQSh diplomati: O'zbekiston o'zgarishda davom etadi degan umiddamiz
Iltimos, kuting...

No media source currently available

0:00 0:04:38 0:00

Oq uy rasmiysi Liza Kurtis ham tantanada nutq so'zlab, Prezident Shavkat Mirziyoyevning bu yili AQShga qilgan rasmiy tashrifi tarixiy burilish yasadi va shunday beri rishtalar yanada kuchaydi, deya maqtadi. Davlatlar endilikda strategik sheriklar. Bir-biriga yordam berishga bel bog'lagan. Tramp ma'muriyati, deydi Kurtis, Toshkentni faqat progress tomon undayveradi. Bu jarayonda AQSh har tomonlama yordam berishga shay.

Davlat kotibining Janubiy va Markaziy Osiyo bo'yicha muovini Elis Uels so'zlariga ko'ra, Vashington O'zbekistondagi jarayonlarni yaqindan kuzatmoqda. Islohotlar bu mamlakatni yangi bir davrga olib kiradi, O'zbekiston mintaqadagi yetakchi jamiyat va tizimga aylanadi, degan umid kuchli, deydi Uels.

Oq uy rasmiysi: AQSh, O'zbekiston strategik sheriklar
Iltimos, kuting...

No media source currently available

0:00 0:05:09 0:00

Rasmiylar orada samimiy va amaliy muloqot yo'lga qo'yilganini aytadi. Shu bois ham o'zaro tashriflar, safarlar va muzokaralar tinmayapti va shunday davom etishi kutilmoqda.

Bu oy AQSh Tijorat vaziri Uilbur Ross O'zbekistonga safar qiladi. Savdo va investitsiya xususida gaplashadi va biznes tadbirlarda qatnashadi.

Uebster universiteti O'zbekistonda
Iltimos, kuting...

No media source currently available

0:00 0:04:36 0:00

Amerikaning Uebster universiteti hozirda O'zbekiston oliygohlari bilan hamkorlikni yo'lga qo'ygan. Toshkentda, xususan Jahon tillari universitetida o'qib, bu dargohning diplomini olish mumkin. Uebster rahbari Elizabet Strobl ham Vashingtondagi tadbirda so'zlab, O'zbekistonning tarixi va ilmiy merosini "buyuk va olamshumul" deya ta'rifladi.

Jahon bankida O'zbekiston a'zo guruhning ijrochi direktori, Shveytsariya rasmiysi Uerber Gruberga ko'ra, tashkilot respublikada bir necha loyihalarni amalga oshirmoqda va natija nafaqat islohotlar samara berishi uchun hissa qo'shishi kerak, balki mamlakat bo'ylab insonlar hayotini osonlashtirishi ham ko'zlangan.

Tadbirga kelgan mehmonlar orasida o'zbekistonliklar ham ko'p edi. Vatandoshlar orasida uzoq-yaqindan kelgan mutaxassislar, o'zbek jamoalarining liderlari va turli tashabbuslar ortida turgan faollar bo'ldi.

Rasmiy: Jahon banki O'zbekistonda faollashgan
Iltimos, kuting...

No media source currently available

0:00 0:04:57 0:00

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG