Vashington Eron va Yaman atrofidagi dengiz yo’llarida xavfsizlikni ta’minlashga doir rejasini ma’lum qildi. AQSh joriy mintaqada bir necha mamlakatlardan iborat harbiy koalitsiya tuzish tashabbusini bildirdi.
Sanksiyalarga javob tariqasida Eron Fors ko'rfazi bo'ylab neft tashiyotgan tankerlar harakatini cheklashga urinyapti. AQSh Mudofaa vazirligi rasmiylari bundan keyin neft tankerlari hududdan harbiy kemalar hamrohligida o'tishi haqida ma'lum qildi.
Hibsxonada saqlanayotgan ayollar va bolalarning bir qismi Nigeriyadan, qashshoqlik va inson savdosidan qochgan. Yevropaga o’tish ham oson emas. O’rtada turgan odamlarga ko’p pul to’lash kerak.
Livandagi bir milliondan ziyod suriyalik qochqinlarning aksariyati lagerlarda yashaydi. Hukumat betondan ishlangan qurilmalarni buzdirishi natijasida kamida 15 ming bola uysiz qoladigan bo’ladi.
Eron nazarida, AQShning o’tgan yili shartnomadan chiqqani Tehronga unga amal qilmaslikka asos bo’ldi. AQSh Vitse-prezidenti Mayk Pens islomiy respublikani ogohlantirib qo’ydi.
Liviya ichki ishlar vaziri o’rinbosarining aytishicha, vayronalarda qutqaruv ishlari davom etarkan, o’lganlar soni bundan-da ko’p bo’lishi mumkin. Tajura rayonida joylashgan muassasada hujum paytida salkam 200 odam bo’lgan.
Eronda kam boyitilgan uran zaxirasi 2015-yilda imzolangan xalqaro yadro bitimi qo’ygan cheklovdan oshgani ma’lum bo’lgach, AQSh Prezidenti Donald Tramp Eron olov bilan o’ynashmoqda, deya munosabat bildirdi.
Senat Eron Ormuz bo’g’ozida AQShga qarashli dronni urib tushirgani uchun Tramp ma’muriyatiga islomiy respublikaga qarshi harbiy kuch qo’llashga ruxsat bermagan bo’lsa-da, prezidentning Eronga qarshi vakolatlarini cheklovchi harakat ham tasdiqdan o’tmadi.
AQShning Falastinga sarmoya jalb etish rejasini e'lon qilgandan so'ng, Isroil askarlari va falastinliklar to’qnashgan. Trampning suratlari aks etgan plakatlarni yoqib, “Tinchlik evaziga taraqqiyot” deb atalmish rejani qoraladi.
Sudandan tortib Quvaytgacha, Vashington rejasiga tanqidiy munosabat bildirilmoqda. Rejaga “vaqtni bekorga sarflash”, “utopiya” va “o’lik tug’ilgan g’oya” degan nisbatlar berilmoqda.
Misrning sobiq rahbari Muhammad Mursi sud jarayonida yurak xurujidan vafot etgan. Uning partiyasi liderning kutilmagan o’limi yuzasidan xalqaro tergov o’tkazilishini talab qilmoqda.
“Saudiya Arabistoni bilan hozirgi aloqalarimiz Amerikaga foyda keltirmayapti. Bu mamlakatda o’zgarishlar bo’lmas ekan, masalani nazorat qilishda davom etaman”, - deydi respublikachi senator Lindsi Grem.
Ko'proq...
