Breaking News

HRW Jasliq qamog'i yopilayotganini olqishlamoqda


HRW Jasliq qamog'i yopilayotganini olqishlamoqda
Iltimos, kuting...

No media source currently available

0:00 0:02:05 0:00

O'zbekiston rahbari Shavkat Mirziyoyev 2-avgust kuni imzo chekkan qarorga ko'ra, Qoraqalpog'istondagi Jasliq maxsus jazoni o'tash zonasi yopiladi. Bu qamoqxona azaldan "qiynoqlar koloniyasi" sifatida tanilgan. Inson huquqlari bo'yicha xalqaro tashkilotlar, xususan "Human Rights Watch" (HRW), shuningdek, BMTning tegishli organlari O'zbekiston hukumatini Jasliqni yopishga chaqirib kelar edi. HRWning Markaziy Osiyo, jumladan O'zbekistondagi vaziyatni o'rganuvchi vakili Stiv Sverdlov (Steve Swerdlow) "Amerika Ovozi" bilan gaplashar ekan, Toshkentdan kelgan yangilikka shunday munosabat bildirdi:

"O’zbekiston prezidenti Jasliq qamoqxonasini yopishga qaror qilgani shubhasiz juda ijobiy yangilik. “Human Rights Watch” bu qadamni bag’oyat olqishlaydi. Ahamiyati shundaki, BMT va ko’plab huquq tashkilotlari deyarli 20 yildan buyon Jasliqni yopishga undab kelayotgan edi. Sababi - bu zonada ko’plab mahbuslar ayanchli qiynoqqa solingani haqida bilamiz. U yerdagi sharoit xalqaro me’yorlarga javob bermas edi. Shu bois, Jasliq yopilayotgani to’g’ri qaror".

Hech bir qamoqxonada va hech qachon biror mahbus qiynoqqa solinmasligi kerak

Sverdlov deydiki, oldinda qilinadigan ishlar juda ko’p. Prezident islohotlarni davom ettirishi lozim, deydi u. Sobiq mahbuslar, Jasliqda uzoq o’tirib chiqqanlar O’zbekiston jamoatchiligiga boshdan kechirganlarini aytib berishi, xalq saboq olishi va bu hollar boshqa qaytarilmasligi lozim.

HRW Prezident Mirziyoyevni O’zbekistonda qiynoqlarga yo’l qo’yilmasligini ta’minlashga chaqirmoqda.

"Hech bir qamoqxonada va hech qachon biror mahbus qiynoqqa solinmasligi kerak. Bu borada hali ko’plab qadamlar tashlanishi kerak", - deydi Sverdlov.

Jasliq Toshkentdan 1000 km uzoqda
Jasliq Toshkentdan 1000 km uzoqda

"Umidimiz, hukumat fuqaro jamiyati, mustaqil nohukumat tashkilotlar hamda sobiq siyosiy mahbuslar bilan yaqindan ishlab, o’tmishdagi xatolardan to’g’ri xulosa chiqarib, O’zbekistonda islohotlar samara berishi, so’z erkinligi qanot yozib mustahkamlanishi uchun imkon yaratadi".

Prezident qaroriga ko'ra, inshoot Qoraqalpogʻiston Ichki ishlar vazirligiga o'tadi. Nukusdagi 2-tergov hibsxonasining bir qismiga aylanadi.

Jasliq koloniyasini tugatish boʻyicha komissiya tashkil etilib, mahbuslar boshqa jazoni o'tash muassasalariga ko'chiriladi.

Ichki ishlar vaziri Po'lat Bobojonovning davlat telekanaliga bildirishicha, ayni damda Jasliqda 395 mahbus bor. Ularning 10 foizi ekstremizm bilan bog'liq ayblar bilan jazo o'tamoqda. Jasliqqa eng ko'pi bilan 1100 mahbus sig'adi, limit shu, deydi vazir. Lekin "Amerika Ovozi" bilan gaplashgan sobiq mahbuslar u yerda vazir aytgan limitdan bir necha barobar ko'p odam saqlanganini aytishadi.

HRW bu jarayonlarda qonunbuzarlik va huquqbuzarlik hollariga yo'l qo'yilmaydi degan umidda.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy and The National Interest. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG