Tarixiy rasmlarni oq-qora rangda ko’rishga o’rganib qolganmiz. Lekin rangli fotosuratlarni yaratishga urinish XIX asrning ikkinchi yarmidayoq boshlangan.
Rangli fotografiyaning ilk mashhur vakillaridan biri rus suratkashi Sergey Mixaylovich Prokudin-Gorskiydir. XX asr boshlarida u oʻzining birinchi rangli fotolavhalarini namoyish qilgan. Gorskiy asrning boshlarida Markaziy Osiyoga safar qilib, tarixiy-madaniy obidalarni, aholining milliy liboslari va turmush tarzini plastinkalarga muhrlaydi.
1917-yil voqealaridan so’ng Prokudin-Gorskiy Rossiyadan qochib, Parijda qo’nim topadi. 1941-yilda vafot etgandan so’ng AQSh kongressi milliy kutubxonasi uning yaqinlaridan jami 1902 ta, shu jumladan, Markaziy Osiyo xalqlari turmush tarzini aks ettiruvchi 200 dona suratni sotib oladi.
Facebook Forum