Breaking News

AQShda ilk vaksina tasdiqlanish arafasida


"Pfizer" va "BioNTech" kompaniyalari yaratgan vaksina

AQSh Oziq-ovqat va dori-darmon boshqarmasining maslahatchilar kengashi "Pfizer" kompaniyasi koronavirusga qarshi taqdim etgan vaksinani ma'qulladi. Endi boshqarma uni qo'llash uchin ruxsat berishi kerak.

"Pfizer" bu vositani Germaniyadagi hamkori "BioNTech" kompaniyasi bilan ishlab chiqqan. Hukumat ekspertlarining xulosa qilishicha, vaksina yuqori talablarga javob beradi, xavfsiz va 16 yoshdan oshganlarni emlash uchun yaroqli.

Amerikada koronavirusni shu kungacha 16 millionga yaqin odam yuqtirdi. Aksariyati tuzalmoqda, ammo kasallikdan halok bo'lganlar soni 300 mingga yaqinlashmoqda. Kecha AQShda pandemiyadan 3100 o'lim holati kuzatilgan.

Yuqorida qayd etilgan vaksina Britaniyada allaqachon ishlatila boshladi.

"Pfizer" yil oxirigacha AQShni qariyb 25 million doza bilan ta'minlay oladi.

Avvalo tibbiy xodimlar va keksalar emlanadi.

Keyingi oylardan boshlab esa har oy 25-30 million amerikalik bu vaksinani olishi rejalangan. 2021-yil oxirigacha mamlakatda deyarli hamma katta yoshdagilar emlanib bo'ladi, deya taxmin qilmoqda mutaxassislar.

Yana bir necha farmatsevtik kompaniya o'z vaksinalarini taklif qilmoqda. Biroq hali bu vositalar tayyor bo'lmagan va litsenziya uchun hujjat topshirmagan.

Jahon bo'ylab kamida 150 vaksina ustida ish ketmoqda. AQSh ularning hammasidan xarid qilishga da'vogar.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG