AQShdagi o'zbekistonliklar jamiyatlari

Iyun 09, 2023

Bu sahifada AQShning turli shtatlarida o'zbek madaniyati va merosini saqlash va targ'ib qilish maqsadida ochilgan notijorat tashkilotlar xaritasi joylashgan. Bu uyushmalar ta’lim va madaniy dasturlar orqali o‘zbekistonliklar jamiyatlarini birlashtirish va qo‘llab-quvvatlash bilan shug'ullanadi.

Kaliforniya (1)

Tashkilot:	San-Fransisko hududi O'zbeklar jamiyati markazi
Shahar:	San-Fransisko
Tashkil topgan yili:	2019
Vebsayti:	https://www.uzbekcommunitysf.org/
	Oltin darvoza ko'prigi (Golden Gate Bridge) Amerikaga sayohat: San-Fransisko (video) San-Fransisko koʻrfazi hududidagi oʻzbeklar jamiyati markazi 2019-yilda shu hududda istiqomat qiluvchi oʻzbekistonlik faollar odamlar tomonidan tashkil etilgan mustaqil notijorat tashkilotidir.

Illinoys (1)

Tashkilot:	Chikago O'zbek-Amerika assotsiatsiyasi
Shahar:	Chikago
Tashkil topgan yili:	2009
Vebsayti:	https://uzbekchicago.org/
	Chikagoda Mustaqillik bayrami (video) Chikagodagi Oʻzbek-Amerika assotsiatsiyasi (UAAC) 2009-yilda Sirojiddin Nasafiy tomonidan oʻzbek madaniyati va tilini targʻib qilish va asrab-avaylash hamda Chikago atrofidagi o’zbeklar va o’zbekistonliklar ehtiyojlariga xizmat qilish maqsadida tashkil etilgan. Chikagodagi Oʻzbek-Amerika assotsiatsiyasi oʻzbek bayramlarini nishonlash, oʻzbek maktabini yuritish va boshqa madaniy-maʼrifiy tadbirlarni tashkil etish orqali oʻzbek tili, merosi va madaniyatini asrab-avaylashga xizmat qiladi. Bundan tashqari, jamiyat pikniklar va ijtimoiy yigʻinlar oʻtkazib, vatandoshlarga AQSh jamiyatining qimmatli aʼzosi boʻlishga yordam berishni maqsad qilgan.

Nyu-Jersi (1)

Tashkilot:	Turkiston-Amerika assotsiatsiyasi
Shahar:	Dover
Tashkil topgan yili:	1958
Vebsayti:	https://turkistanamerican.org/
	Nyu-Jersi: Turkiston-Amerika uyushmasida hayit namozi (video) Turkiston-Amerika assotsiatsiyasi 1958-yilda tashkil etilgan madaniy notijorat tashkilotdir. Tashkilot asli Turkistondan bo’lgan xalqlar urf-odatlari va an’analarini asrab-avaylash va qadrlashga intiladi. Maqsadi madaniy meros va o’zlikni imkon qadar saqlab qolishdir. “Biz aʼzolarimizni hamjamiyatimizda ishtirok etishga va Qoʻshma Shtatlardagi hamjamiyatimiz va ona yurtimiz oʻrtasida aloqa oʻrnatish va bu aloqalarni qoʻllab-quvvatlashga daʼvat etamiz. Qolaversa, tashkilotimiz Amerika jamoatchiligini Turkistonning, xususan, Oʻzbekistonning diniy, madaniy hayoti va anʼanalari bilan tanishtirishga intiladi”, deyiladi tashkilot saytida.

Florida (1)

Tashkilot:	Florida O'zbek-Amerika assotsiatsiyasi
Shahar:	Kissimmi
Tashkil topgan yili:	2020
Vebsayti:	http://uaaf.us/
	Orlando shahrida o'zbek islom markazi (video) Florida O’zbek-Amerika assotsiatsiyasi o’zbekistonliklar, amerikaliklar va o’zbek qadriyatlariga xayrixoh bo’lgan boshqa guruhlar yoki shaxslarga ta’lim, madaniy va xayriya xizmatlarini ko’rsatish maqsadida tashkil etilgan.

Texas (1)

Tashkilot:	Dallas o’zbeklari
Shahar:	Dallas, TX
Tashkil topgan yili:	2022
Vebsayti:	https://dallasozbeklari.org/
	Amerikaga sayohat: Dallas (video) Dallas manzaralari (video) Dallas o’zbeklari tashkiloti AQShda istiqomat qilayotgan barcha o‘zbekistonlik vatandoshlarimizni birlashtirish, o‘zbek xalqining o‘ziga xos an’analarini asrab-avaylash va kelajak avlodlarga yetkazish maqsadida tashkil etilgan. Shuningdek, o‘zbek tilini farzandlarga va o‘rganish istagida bo’lgan har qanday kishiga o‘rgatish, muhtoj insonlarga yordam berishni maqsad qiladi.

Vashington (1)

Tashkilot:	Sietl-Toshkent birodar shaharlar assotsiatsiyasi
Shahar:	Sietl
Tashkil topgan yili:	1973
Vebsayti:	https://seattle-tashkent.org/
	Amerikaga sayohat: Sietl (video) Sietlda do'kon ochgan "amerikalik o'zbeklar" Sietl-Toshkent qardosh shaharlar uyushmasi (STSCA) Sietl shahri va Xalqaro qardosh shaharlar uyushmasi tomonidan rasman tan olingan nodavlat-notijorat tashkilotidir. U 1973-yilda tashkil etilgan va o’z davrida birinchi Sovet-Amerika birodar shahri bo’lgan. Tashkilot 50 yildan beri Sietl va Toshkent o‘rtasida ham rasmiy, ham odamlar darajada o’zaro aloqalarni qo’llab-quvvatlab kelmoqda.