Breaking News

Afg'onistonda xavfsizlik kuchlariga virusdan himoya vositalari tarqatilmoqda


Afg’onistonning G’azni viloyatida politsiya boshqarmasi koronavirusga qarshi kurash doirasida xavfsizlik kuchlari a’zolariga himoya vositalari tarqatgan. Biroq maxsus jihoz va kiyim hammaga ham yetgani yo’q.

Ayrim blok-postlarda avtomobillarni tibbiy qo’lqop va niqoblarsiz tekshirishga to’g’ri kelyapti.

“Himoya vositalari muhim. Axir doim odamlar bilan aloqadamiz”, - deydi bir politsiyachi.

Mahalliy aholi xavfsizlik kuchlari a’zolari orasida epidemiya tarqalishidan xavotirda.

“Xudo ko’rsatmasin, agar virus xavfsizlik kuchlariga kirib borsa, jamiyatimizning katta qismi yotib qolib, xavfsizlik izdan chiqadi”, - deydi g’aznilik Hasib Obid.

Mahalliy politsiya boshqarmasi xodimlariga qo’lqop, maska, dezinfeksiya vositalari tarqatganini ma’lum qildi.

“Xavfsizlik kuchlaridagi tanishlarimga befarq bo’lmaslikni, shaxsiy gigiyenaga rioya qilish muhimligini aytdim”, - deydi viloyat kasalxonasi boshlig’i Boz Muhammad Hamat.

Afg’onistonda shu onga qadar 714 kishi yangi koronavirus bilan kasallangan bo’lsa, 49 odam hayotdan ko’z yumgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG