Afg'onistonda mahalliy havo kuchlarini mashqdan o'tkazgan amerikalik uch mutaxassis Kobul aeroportida otib o'ldirilgan.
Tolibon payshanba kechqurun sodir etilgan bu hujum ortida turganini da'vo qiladi.
Jangarilar Kobul aeroportida ishlagan afg'on askarini yollagan. Askar amerikaliklarga qarata o't ochganu qarshi otishmada o'zi ham o'lgan.
Afg'on harbiylari avval ham AQSh zobitlarini otgan. O'tgan yilning avgustida general Xarold Grin afg'on harbiysining qo'lidan o'lgan edi.
Shuningdek, payshanba kuni Afg'oniston sharqidagi dafn marosimida bir odam o'zini portlatgan. 16 kishi nobud bo'lib, o'nlab fuqaro jarohatlangan. Lag'man viloyatida politsiyachi va yana uch kishi dafn qilinayotgan bo'lgan.