Breaking News

Afg'onistondagi hujumda kamida 10 odam o'lgan


Afg’oniston rasmiylarining aytishicha, tunda qurollangan odamlar mamlakatda minalardan tozalash bilan shug’ullanayotgan “Halo Trust” xalqaro xayriya tashkiloti idorasiga hujum qilib, kamida 10 odamni o’ldirgan, 10 dan ortig’i yaralangan.

Xalqaro hayot – 9-iyun, 2021-yil
Iltimos, kuting...

No media source currently available

0:00 0:07:36 0:00

Tashkilot Britaniyaga qarashli bo’lib, voqea shimoldagi Bag’lan viloyatida ro’y bergan. Afg’on xavfsizlik kuchlari va Tolibon jangarilari o’rtasida bu yerda qattiq janglar kechmoqda.

Viloyat politsiyasi vakiliga ko’ra, o’lganlarning hammasi sapyorlar lagerida ishlovchi afg’onlar. Jangarilar ularni bir xonaga to’plab otgan.

"Boshimdan o’q yeb yiqildim. Turishga harakat qlldim, ammo yana yiqildim. Keyin turdimu oyna orasidan sakradim. Otishma hali ham bo’layotgan edi. 10 kishi o’ldi, 14 odam yaralandi”, - deydi voqea guvohlaridan biri.

Britan tashkiloti hujumni qoraladi. Unga ko’ra, hududda 100 dan ortiq odam minalardan tozalash bilan shug’ullanmoqda.

Tolibon so’zlovchisi Zabihulla Mujohid toliblarning hujumga aloqadorligini inkor etdi

So’nggi kunlarda mamlakat bo’ylab Tolibon hujumlari kuchayib, AQSh va NATO kuchlari mamlakatni tark etishni boshlaganidan beri 14 tadan ortiq tuman ularning qo’liga o’tdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG