Breaking News

Belarus faollari Lukashenkoni Germaniya sudiga berdi


Belaruslik 10 fuqaro Prezident Aleksandr Lukashenko va xavfsizlik idoralari xodimlarini namoyishlarni bostirishda insoniyatga qarshi jinoyatga qo’l urganlikda ayblab, Germaniya federal sudyasidan jinoiy ish ochishni so’radi.

Xalqaro hayot – 6-may, 2021-yil
Iltimos, kuting...

No media source currently available

0:00 0:07:54 0:00

Xorijda yashayotgan da’vogarlarga ko’ra, Germaniya qonunlari dunyoning turli chekkasida sodir etilgan insoniyatga qarshi jinoyatlar uchun sud qilish vakolatiga ega.

"Soddalik qilayotganimiz yo’q. Janob Lukashenko ertagayoq Germaniyada sud qilinadi degani emas bu. Biroq tergov ko’chaga chiqib inson huquqlarini, uyushish huquqlarini talab qilayotgan odamlarga dalda, muhim belgi bo’ladi. Xavfsizlik kuchlari xodimlariga ham ishora bo’ladi. Ular bir kun kelib o’z harakatlari uchun javob berishini bilishi kerak”, - deydi da’vogarlar guruhi advokati Onur Ozata.

Rasmiy Minsk guruh da’vosini izohlagani yo’q hozircha. Belarus hukumati namoyishchilarni jinoyatchilar, G’arb qo’llab-quvvatlayotgan zo’ravon inqilobchilar deb biladi.

Belaruslik namoyishchilar Lukashenkoni o’tgan yil avgustida o’tgan prezident saylovlarida g’alaba qozonish uchun ovozlarni soxtalashtirganlikda ayblaydi.

Germaniyaning universal yurisdiksiya haqidagi qonunlari asosida fevral oyida Suriya xavfsizlik kuchlarining sobiq a’zosi odamlarni qiynoqqa solishda aybdor deb topildi.

Belaruslik faollarning aytishicha, mamlakat sudlari mustaqil bo’lmagani uchun ularning da’vosi mustaqil taraflar tomonidan ko’rilishi kerak.

Mart oyida Birlashgan Millatlar Tashkilotining Inson huquqlari kengashi Belarusda namoyishchilarga nisbatan haddan ziyod kuch ishlatilgani va qiynoqlar qo’llangani haqidagi da’volarga doir ma’lumotlarni to’plash uchun tergov guruhini tuzishga qaror qilgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG