Breaking News

Lukashenko Putindan madad olish uchun Rossiyaga bordi


Belarusda olti haftadan beri hukumatga qarshi namoyishlar davom etarkan, yakshanba kuni poytaxt Minskda salkam 100 ming odam ko’chaga chiqqan. Yana 16 shaharda namoyishlar kuzatilgan. Brestda esa militsiya olomonni suv bilan tarqatishga harakat qildi.

Xalqaro hayot – 14-sentabr, 2020-yil
Iltimos, kuting...

No media source currently available

0:00 0:10:24 0:00

Ichki ishlar vazirligi 774 dan ziyod odam ruxsatsiz namoyishda qatnashgani uchun ushlangani haqida ma’lumot berdi.

9-avgust saylovlari soxtalashtirilganidan shikoyat qilayotgan omma Prezident Aleksandr Lukashenko iste’fosini hamda yangi saylovlar o’tkazilishini talab qilmoqda.

Rossiyadan madad kutayotgan Lukashenko bugun Sochiga borib, Prezident Vladimir Putin bilan uchrashdi. Putin Belarusga 1,5 milliard dollar miqdorida kredit berilishini ma’lum qildi.

“Belarusda saylovlarga aloqador ichki siyosiy jarayonlarga guvohmiz. Bizning munosabatimiz ravshan – Belarus xalqi tashqi maslahat va aralashuvsiz bu muammoni tinch va muloqot yo’li bilan o’zi hal qillishi kerak”, - dedi Putin.

Belarusdagi saylovda nomzod sifatida qatnashgan Svetlana Tixanovskaya Putin belorus xalqi emas, Lukashenko bilan gaplashganidan afsusda ekanini aytdi.

BMTning Inson huquqlari bo’yicha Oliy komissari Mishel Basheletning aytishicha, Belarusda tinch namoyishchilarga qarshi kuch ishlatilayotgani haqida tashvishli ma’lumotlar kelib tushmoqda.

“Huquqni muhofaza qilish idoralari vakillari zaruratsiz va haddan ziyod kuch qo’llayotganidan xabardormiz”, - dedi u.

Inson huquqlari kengashi bugun Jenevada favqulodda majlis o’tkazib, Belarusdagi vaziyatni muhokama qildi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG