Breaking News

Belgiyadagi portlashlar uchun mas'uliyatni "Islomiy davlat" o'z zimmasiga oldi


Belgiya politsiyachilari Gare du Midi poyezd bekati tashqarisini qo'riqlamoqda, 22-mart, 2016-yil.
Belgiya politsiyachilari Gare du Midi poyezd bekati tashqarisini qo'riqlamoqda, 22-mart, 2016-yil.

"Islomiy davlat" jangari guruhi Bryusselni larzaga solgan portlashlar uchun javobgarlikni o'z zimmasiga oldi. Aeroport va metro bekatida yuz bergan uch portlash natijasida kamida 30 odam o'lgan, 130 kishi yaralangan.

Guruh bayonotiga ko'ra, hujumchilar aeroport ichida ikkita bombani portlatishdan oldin odamlarga qarata o'q uzgan. Malbek metro bekatidagi xuruj ham xudkush bombachi tomonidan amalga oshirilgan. Bu haqda jangarilarning Amaq axborot agentligi xabar berdi.

Xurujlar ketidan ommaga bayonot began Belgiya Bosh vaziri Sharl Mishel mamlakat qora lahzalarni boshdan kechirayotganini aytib, barchani tinch va bardam bo'lishga undagan.

Dunyo yetakchilari, jumladan, AQSh Prezidenti Barak Obama hujumlarni keskin qoralab, Belgiya xalqiga hamdardlik bildirdi.

"Begunoh insonlarga qarshi sodir etilgan bu dahshatli hujumlar uchun AQSh Belgiyaga o'z ta'ziyasini izoh qiladi. Jinoyatni amalga oshirganlarni jazoga tortish bo'yicha AQSh barcha choralarni ishga solib, do'sti Belgiyaga yordam berishga tayyor", - dedi AQSh rahbari.

Yevropa Ittifoqi bu hujumlar nafaqat Belgiya, balki butun blokka nisbatan xuruj deya, a'zo davlatlarni ogoh turishga, xavfsizlik choralarini mahkamlashga chaqirmoqda.

Yuzlab samolyot qatnovlari bekor qilingan. Bryusselda metro tizimi ham ishdan to'xtagan.

Ushbu portlashlar Parij xurujlarining muhim ishtirokchisi hisoblangan Salah Abdesalam Bryusselda hibsga olinishidan bir necha kun o'tib ro'y berdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG