Breaking News

Bayden narxlarni bir kechada tushira olmasligini tan oldi


Pandemiyadan qaddini rostlayotgan dunyoning ko’p mamlakatlari inflyatsiyaga yuz tutmoqda. AQSh Prezidenti Jo Bayden oziq-ovqat, ijara haqqi, yoqilg’i narxlarini tez tushira olmasligini tan oldi.

Xalqaro hayot - 6-iyun, 2022-yil
Iltimos, kuting...

No media source currently available

0:00 0:13:42 0:00

Qo’shma Shtatlar koronavirus pandemiyasidan tiklanayotgan bir paytda ikki xil iqtisodiy voqelikka yuz tutmoqda. Birida ishsizlikka barham berilmoqda, maoshlar oshmoqda, ikkinchisida esa narxlar ko’tarilgan, ayniqsa yoqilg’iga.

Kongressda ko’pchilikni tashkil etgan demokratlar inflyatsiya sabab noyabr oyida bo’ladigan oraliq saylovni boy berishdan xavotirda ekan, Prezident Bayden narxlarni qisqa muddatda tushirishga ojiz ekanini tan oldi. Saylovchilarning atigi 28 foizi Baydenning inflyatsiyaga qarshi siyosatini qo’llab-quvvatlamoqda.

Davlat rahbari so’nggi oylarda pul-kredit siyosatini qattiqlashtirgan Federal zaxira bankiga ishonch bildirdi.

Mutaxassislar inflyatsiyaga qarshi kurash tanazzulga yetaklashi mumkinligi haqida ogohlantirmoqda. Transport vaziri Pit Buttijij iqtisodiyot o’sishda davom etishini aytdi.

“So’nggi bir yilda erishilgan o’ta tez iqtisodiy o’sishni ko’rmaysiz, shunga qaramay, iqtisodiy o’sish kuchli bo’lishini kutyapmiz”, - dedi u.

Yoqilg’i narxlari hukumatni ayniqsa xavotirga solmoqda. Narx so’nggi bir yilda yuqoriga qarab ketayotgan bo’lsa-da, Ukrainadagi urush va G’arb sanksiyalari oqibatida Rossiyada neft ishlab chiqarish sur’atining tushishi sabab benzin yanada qimmatlagan. Respublikachilarga ko’ra, Baydenda inflyatsiyani to’xtatishga reja yo’q.

“Bayden badavlat odam. Inflyatsiyani qanday jilovlashni bilmaydi. Inflyatsiya uchun xatosini boshqalardan, jumladan Putindan ko’rgani-ko’rgan”, - deydi senator Rik Skot.

Bayden ma’muriyati neft ishlab chiqaruvchi davlatlarning keyingi ikki oyda ishlab chiqarishni oshirish haqidagi qarorini diplomatik yutuq deb olqishladi, biroq aslida shunday bo’ladimi, yo’q, hozircha ma’lum emas.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG