Breaking News

Blinken qonunchilarga AQSh tashqi siyosati qanday bo'lishini bayon qildi


AQSh Davlat kotibi Entoni Blinken

AQSh Davlat kotibi Entoni Blinken Vakillar palatasining Tashqi aloqalar kengashida o’tgan tinglovda Bayden ma’muriyatining tashqi siyosatdagi ustuvor yo’nalishlari haqida bayon qildi.

Xalqaro hayot – 11-mart, 2021-yil
Iltimos, kuting...

No media source currently available

0:00 0:10:13 0:00

Blinkenning Yaponiya va Janubiy Koreyaga safari ketidan kelasi hafta Alyaskada Xitoy rasmiylari bilan ilk bor uchrashish rejasi qonunchilar diqqatini tortdi. Davlat kotibi ushbu uchrashuvda Amerikani tashvishga solayotgan masalalarni ko’tarishini bildirdi.

"Hozircha ilk uchrashuv rejalangan. Bordi-keldi bo’lmaydi. Xitoy bilan aloqalarimizga doir masalalarda sezilarli progress bo’lsagina, yana uchrashamiz”, - dedi Blinken.

Rasmiy har ikki partiya qonunchilarining Xitoyda uyg’ur musulmonlarga nisbatan qatag’onlar qatliom ekani haqidagi xulosasiga qo’shilishini bildirdi, Pekinni xalqaro hamjamiyat va BMTga ushbu masalani tekshirishga imkon berishga chaqirdi.

“Hech narsa yashirishmayotgan bo’lsa, bizga, butun dunyoga ko’rsatishsin”, - dedi Blinken.

Respublikachi qonunchilarning ba’zilari janubiy chegarada AQShga Meksikadan kirishga harakat qilayotgan migrantlar haqida so’rab, Tramp ma’muriyatining Markaziy Amerikadagi mamlakatlar bilan imzolagan siyosiy boshpana haqidagi bitimlari Bayden ma’muriyati tomonidan nega bekor qilingani bilan qiziqdi.

“Chegarada migrantlar soni keskin ko’payib, tartibsizlikka sabab bo’layotganini ko’ryapmiz. Nega prezident janubdagi qo’shnilarimiz qo’llab-quvvatlagan bitimlardan voz kechdi?” - deb so’radi kongressmen Maykl Makkol.

Blinken savolga to’g’ridan-to’g’ri javob bermasdan Prezident Jo Bayden Meksika bilan chegarada xavfsiz, tartibli va insoniy muhit yaratmoqchi ekanini aytdi.

Blinkendan Efiopiyaning Tigray viloyatidagi gumanitar inqiroz haqida ham so’rashdi. Davlat kotibi mintaqadagi jarayonlarni etnik tozalash deb atab, qattiq qoraladi.

“Tinchlik uchun Nobel mukotofini qo’lga kiritgan Bosh vazir Abiy ilhomlantiruvchi rahbar edi. Hozir u tashabbusni qo’lga olib, Tigraydagi xalqini himoya qilishi kerak”, - dedi Blinken.

U tinch aholiga qarshi zo’ravonliklarga barham berish yo’llarini topish maqsadida Abiy va mintaqadagi boshqa rahbarlar bilan telefon orqali muloqotda ekanini ham aytdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG