Breaking News

AQSh rasmiylari Osiyoda Xitoy va Shimoliy Koreyani muhokama qildi


AQSh Davlat kotibi Entoni Blinken (chapda) Seulda

Osiyoga safar qilayotgan AQSh davlat kotibi va mudofaa vaziri Yaponiyadan so’ng Janubiy Koreyaga o’tdi. Entoni Blinken va general Lloyd Ostin ittifoqchilar bilan uchrashuvlari chog’ida ikki tomonlama aloqalardan tashqari Xitoy masalasini ko’tarmoqda.

Xalqaro hayot – 17-mart, 2021-yil
Iltimos, kuting...

No media source currently available

0:00 0:11:00 0:00

"Xitoy Gonkong muxtoriyatini yemirishda, Tayvan demokratiyasini izdan chiqarishda, Shinjon va Tibetda inson huquqlarini poymol etishda, Janubiy Xitoy dengizida xalqaro qonunlarga xilof holda hududiy nazoratga da’vo qilishda do’q-po’pisa va agressiyani ishga solmoqda”, - dedi Blinken.

AQSh rasmiylari bungacha Yaponiyaga tashrifi chog’ida ham Xitoy masalasini ko’targan.

“Hind-Tinch okeani mintaqasining erkin va ochiq bo’lishi, mamlakatlar qonunlarga rioya qiladigan, imkon bo’lganda hamkorlik qiladigan, kelishmovchiliklarini tinch yo’l bilan hal qiladigan mintaqa bo’lishi g’oyasida hamfikrmiz. Xitoy do’q-po’pisalarga qo’l ursa, javob berishga tayyormiz”, - dedi Blinken.

Yaponiya rasmiylariga ko’ra, Xitoy Sharqiy va Janubiy Xitoy dengizlarida harbiy inshootlar qurib, hududlarga da’vo qilmoqda.

Shu hafta AQSh davlat kotibi va Oq uy milliy xavfsizlik maslahatchisi Alyaskada Xitoy tashqi ishlar vaziri va Kommunistik partiyaning tashqi siyosatga mas’ul rasmiysi bilan o’tgan yil iyunidan beri ilk bor gaplashishi kutilmoqda.

Osiyo safari chog’ida Shimoliy Koreya masalasi ham muhokama etilmoqda. Qo’shma Shtatlar Pxenyanni yadro dasturiga doir muzokaralarga qaytarishga urinmoqda.

Ayni paytda Bayden ma’muriyati AQShning Shimoliy Koreyaga doir siyosatini qayta ko’rib chiqmoqda va yaqin orada yangi siyosatni e’lon qilishi kutilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG