Breaking News
Din

Orlandodagi Al-Buxoriy islom markazi imomi bilan suhbat


Ilyosxon Qori Toshxo'jayev

Florida shtatining Orlando shahrida joylashgan Imom Al-Buxoriy islom markazi Amerikada o’zbeklar ko’p qatnaydigan va ma’ruzalar o’zbek tilida olib boriladigan ilk diniy maskandir.

Orlandodagi Al-Buxoriy islom markazi imomi bilan suhbat
Iltimos, kuting...

No media source currently available

0:00 0:39:45 0:00

Ilyosxon Toshxo’jayev 2018-yilda ochilgan markazga imomlik qiladi.

“Amerika Ovozi” bilan suhbatda 32 yashar diniy arbob markaz faoliyati, diniy ta’lim, bolalar tarbiyasi, o’zbek jamoasi bilan muloqot haqida ma’lumot berdi.

Islom markazi nodavlat va notijoriy muassasa bo’lgani uchun u saxovatpesha homiylar va faol ulamo hisobiga faoliyat yuritadi. Orlandodagi o’zbek tadbirkorlari markazni otaliqqa olgan, o’g’il bolalar madrasasi uchun sharoit yaratgan.

Ilyosxon Toshxo’jayev Amerikada turli muhitda voyaga yetayotgan bolalar bilan ishlash oson emasligini tan oladi.

Koronavirus pandemiyasi davrida maktablar onlayn tartibga o’tishi bilan turli shtatlarda yashovchi ayrim o’zbek ota-onalar farzandlarini madrasaga berishga qaror qildi.

Bolalar madrasa va ustozlariga ijobiy baho berdi.

Markaz nafaqat bolalar, balki kattalar hayotida ham ijobiy o’zgarishlarga sabab bo’ldi.

Ilyosxon Toshxo’jayev suhbat davomida diniy markazlarning milliy markazlardan ustunligiga urg’u berdi.

Ramazon oyi Al-Buxoriy markazida ayniqsa voqealarga boy bo’ldi. An’anaviy taroveh namozlari va iftordan tashqari, imom tilga olgan xayriya kechasidan tashqari Ramazon oyida markazga Muhammad payg’ambarning soqoli keltirildi. Bu yerda Qur’on kechasi tashkil etilib, qorilar qiroati bilan ulamoni sehrladi.

Ramazon hayitiga boshqa shtatlardan ham o’zbeklar buyurishdi. Bayram, ayniqsa bolalar xotirasida muhrlanib qolishi aniq. Bayramona dasturxon, shirinliklar, konvertga solib tarqatilgan hayitlik, o’yingohlar, oqshomdagi mushakbozlik…

Al-Buxoriy islom markazi nafaqat bolalar, balki ota-onalar tarbiyasiga ham jiddiy e’tibor beradi.

Markaz maslahatga muhtojlarga nasihat qilibgina qolmay, amaliy ko’mak ham beradi.

Ilyosxon Toshxo’jayev yosh bo’lishiga qaramay, g’ayrat va shijoatga to’la, madrasa toliblariga ham ota, ham ona o’rnida. O’z oilasiga ham g’amx’or. Ilyosxon masjidga bomdod vaqtiga keladi, uyga huftondan so’ng boradi.

Al-Buxoriy islom markazi o’zbekistonlik din peshvolari bilan aloqada bo’lishga harakat qiladi.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

Facebook Forum

XS
SM
MD
LG