Breaking News

Birma prezidenti 47 yilda ilk bor Oq uyda


Birma prezidenti Teyn Sheyn "Amerika Ovozi"da, 19-may, 2013-yil
Birma prezidenti Teyn Sheyn "Amerika Ovozi"da, 19-may, 2013-yil
So’nggi salkam 50 yilda ilk bor Birma rahbari Oq uyda AQSh prezidenti qabulida bo’ladi. Sobiq general Teyn Sheyn prezident Barak Obama bilan o’z mamlakatidagi siyosiy islohotlar hamda AQSh bilan hamkorlik xususida fikr almashadi. Biroq inson huquqlari tashkilotlari va ayrim siyosatchilar nazarida Birmada musulmonlarga qarshi zug’um davom etar, inson huquqlari hamon buzilar ekan, Oq uy uni Vashingtonga taklif etishda bir oz shoshgan.

Kecha Birma rahbari “Amerika Ovozi”da bo’lib, o’z mamlakatida ozchilikdagi musulmonlarga qarshi zo’ravonliklarni jinoyat deya qoraladi, politsiyaning vakolatini suiiste’mol qilganini tan oldi.

"Demokratiya ildiz otar ekan, namoyishchilar ham, huquq-tartibot organlari ham mas’uliyatli bo’lishi kerak", - dedi sobiq general.

Inson huquqlari bilan shug’ullanuvchi Human Rights Watch tashkilotiga ko’ra, Birmada musulmonlarga nisbatan etnik tozalashlar bo’lmoqda, aksariyati fuqarolik va boshqa huquqlardan mahrum. Harbiylar zo’ravonlikka barham berish o’rniga o’zlari unda ishtirok etmoqda, deyiladi guruhning yaqinda chiqqan hisobotida.
  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG