AQSh Kongressi Eronni yangi sanksiyalar bilan jazolash harakatida yakdil

  • Amerika Ovozi

AQSh Kongressi binosi

AQSh Kongressi Vakillar palatasining yetakchi a’zosi Steyni Xoyerning aytishicha, qonunchilar Eronni yangi sanksiyalar bilan jazolash harakatida yakdil.

Demokratlarning quyi palatadagi sardori bu haqda Quddus shahrida so’zlagan. Eron masalasiga kelganda, deydi u, har ikki partiya a’zolari ovoz berishda birdamlik ko’rsatdi.

"236 demokrat va 193 respublikachi Eron ballistik raketa sinovi uchun, inson huquqlarini poymol etayotgani uchun, terrorizmni qo’llab-quvvatlayotgani uchun sanksiyalarni kengaytirishga ovoz berdi. Har ikki partiya bu masalada juda ham birdam”, - dedi kongressmen.

Xoyer bilan Isroilga Vakillar palatasining o’tgan saylovda saylangan 53 a’zosi hamda respublikachilar sardori Kevin Makkarti borgan.

Kongress qabul qilgan qonun loyihasini Prezident Donald Tramp imzoladi. Unda Eron ballistik raketa dasturi ustida ishlayotgan va ularga yordam berayotgan shaxslarga sanksiyalar qo’yiladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG