Breaking News

COVID-19 boshqa yuqumli kasalliklarga qarshi emlash dasturlarini sekinlashtirmoqda


A child with measles infection at an isolation war in Congo.

Koronavirus pandemiyasiga qarshi kurash fonida qashshoq mamlakatlarda yuqumli kasalliklarga qarshi kampaniyalar unutilmoqda. 70 dan ortiq mamlakatlarga vaksinalar yetkazuvchi Vaksinalar va emlash bo’yicha global alyans yoki qisqacha GAVI tashkiloti 13 milliondan ziyod odam qizamiq, meningit, poliomiyelit, sariq isitma va boshqa halokatli kasalliklardan emlanmay qolishi haqida ogohlantirmoqda.

Xalqaro hayot – 27-aprel, 2020-yil
Iltimos, kuting...

No media source currently available

0:00 0:08:10 0:00

“Pokistonda karantin sabab emlash dasturlarini to’xtatishga majbur bo’ldik, G’arbiy Afrika, Burkina-Faso, Chad, Zimbabve va ko’plab boshqa mamlakatlarda ham ahvol o’xshash”, - deydi tashkilot boshqaruvchi direktori Tabani Mafosa.

Shu bilan birga, Mafosa Kongo Demokratik Respublikasida qizamiqqa qarshi emlash dasturi to’xtamaganini qayd etdi.

“Ebola virusidan keyin olingan saboq shu bo’ldiki, bu mamlakatda bolalar eboladan ko’ra qizamiqdan ko’proq o’layotgani bois dasturni to’xtatmaslik kerak”, - deydi GAVI vakili.

YUNISEF bergan ma’lumotga ko’ra, Kongo Demokratik Respublikasida 300 mingdan ortiq qizamiq holatlari qayd etilgan bo’lsa, 6000 odam o’lgan, aksariyati besh yoshgacha bo’lgan bolalar.

Biroq COVID-19 kasalligining tarqalishi oqibatida bu mamlakatlarda emlash dasturlari to’xtab qolishi kutilmoqda, bu esa vaksina yordamida oldini olish mumkin bo’lgan kasalliklarning tarqalishiga yetaklashi mumkin.

“Qizamiq, ko’kyo’tal va ko’plab boshqa kasalliklarga chalinish va ulardan o’lish sur’ati yuqori ekan, keyingi olti oy-bir yilda bolalar himoyasiz qolishi kutilmoqda”, - deydi Tabani Mafosa.

GAVI vakili emlash bilan shug’ullanayotgan tibbiy xizmatchilarni koronavirusdan himoyalovchi vositalar bilan ta’minlashga chaqiradi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG