Breaking News

Koronavirusga qarshi kurashda Tramp mudofaa resurslarini ishga solmoqda


Suvdagi kasalxona - "Mercy" tibbiy kemasi

AQSh koronavirus pandemiyasiga qarshi kurashar ekan, himoya vositalari va tibbiy anjomlar yetishmayapti. Mamlakatning Federal favqulodda vaziyatlarni nazorat qilish agentligi yoki FEMA butun resurslarini ishga solmoqda.

Xalqaro hayot - 19-mart, 2020-yil
Iltimos, kuting...

No media source currently available

0:00 0:05:05 0:00

Prezident Donald Tramp “Mudofaa ehtiyojlari uchun ishlab chiqarishni ishga solish” haqidagi qonun joriy etilganini aytdi.

Ushbu hujjat prezidentga mamlakat sanoatlaridan milliy mudofaa ehtiyojlari uchun resurslar ta’minotini qisqa muddatda kengaytirishni talab qilish vakolatini beradi.

“Virusga qarshi kurashda zarur bo’lgan materiallarni ishlab chiqarish ustuvor vazifa bo’ladi. Masalan, virusdan himoyalovchi maskalar. Hukumat maska ishlab chiqaruvchi kompaniyaga aynan shunday niqoblarni ishlab chiqarishga urg’u berishni buyura oladi”, - deydi tahlilchi Mark Kansian.

Tramp, shuningdek, AQSh Harbiy-dengiz kuchlariga qarashli ikki tibbiy kemani ham safarbar etishni buyurdi. Kemalar kasalxona bilan jihozlangan bo’lib, odatda tabiiy ofatdan zarar ko’rgan mamlakatlarga yordam berishda qo’llanadi.

“Kemadagi kasalxonada mingta palata bor. Ulardan biri “Comfort” kemasi Nyu-Yorkka boradi”, - deydi Nyu-York shtati gubernatori Endryu Kuomo.

Kema ayni paytda texnik ko’rikdan o’tmoqda va bir necha haftadan so’ng Nyu-Yorkka yo’l oladi. “Mercy” kemasi esa bir necha kundan so’ng g’arbiy sohilga suzadi.

Mudofaa vaziri Mark Esperning aytishicha, qurolli kuchlarning dala shifoxonalari ham hozirlanmoqda. Vazirlik 5 million donagacha “N95” respirator niqoblari va boshqa himoya vositalarini aholiga tarqatadi.

“Bir millionta niqobni darhol beramiz. Sog’liqni saqlash vazirligi ehtiyojlari uchun, shuningdek, 2000 dona tibbiy ventilyatorlar ham berishga tayyormiz”, - dedi Esper.

Oq uy ma’muriyati AQSh armiyasining Muhandislar korpusini yangi tibbiy markazlar tashkil etishga safarbar etishni rejalamoqda, biroq bu ishda xususiy sektor yordami zarur bo’ladi.

“Korpus malakali va hunarmand ofitserlar sonini oshirib, ularni iqtisodiyotning noharbiy sektorida ishlashga jalb qiladi. Biroq bu kadrlarda qurilish resurslarining yo’qligini aytish joiz”, - deydi polkovnik Mark Kansian.

Hukumat aholiga imkon qadar uzoqroq uyda o’tirishni tavsiya qilarkan, poytaxt ko’chalari va metro stansiyalari ancha huvillab qolgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG