Breaking News

AQSh Suriya va Rossiyani sharqiy G'utadagi zo'ravonliklarda ayblamoqda


Sharqiy G'uta, Suriya

AQSh va G’arb tanqidlariga qaramay, Suriya Prezidenti Bashar Assad Damashq teveragidagi sharqiy G‘uta rayonida isyonchilarga qarshi harbiy harakatlar davom etishini bildirdi. Ba’zi hisoblarga ko’ra, so’nggi ikki haftada hududda 600 dan ziyod odam o’lgan. Sharqiy G’uta qamalda ekan, Assad uni isyonchilardan tozalashga urinmoqda.

“Agar sharqiy G’uta aholisi terrorchilar nazoratidan qutulmoqchi bo’lsa, sulhni olqishlaymiz”, - dedi Assad.

Hukumat isyonchilarni terrorchilar deb biladi. Aholi havo hujumlaridan saqlanish uchun yerosti tunellari va yerto’lalarga kirmoqda.

BMT Xavfsizlik Kengashida 30 kunlik umummamlakat sulhga chaqiruvchi rezolyutsiya qabul qilinganiga qaramay, Suriya hukumati isyonchilarga qarshi hujumlarni davom ettirdi.

“Sulh ish bermayapti. Rossiya BMTning o’zi qo’llagan qarorlariga bo’ysunishi kerak”, - dedi AQSh Davlat departamenti matbuot kotibi Xezer Noyert.

AQSh Prezidenti Donald Tramp Britaniya Bosh vazirasi Tereza Mey bilan vaziyatni telefon orqali muhokama qilib, sharqiy G’utadagi zo’ravonliklar va ayanchli ahvol uchun Rossiya va Suriya hukumatlarini mas’ul tutdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG