Breaking News

Amerikaliklar iqtisodiy yordam paketini olqishlamoqda


Prezident Jo Bayden
Prezident Jo Bayden

AQSh Prezidenti Jo Bayden koronavirusdan jabr ko’rgan amerikaliklar uchun iqtisodiy yordamni o’z ichiga olgan qonun loyihasini imzolashi ketidan aholi 1400 dollar miqdorida bir martalik nafaqa ola boshlagan.

Xalqaro hayot – 15-mart, 2021-yil
Iltimos, kuting...

No media source currently available

0:00 0:09:45 0:00

Kongressdagi respublikachilar 1,9 trillion dollarlik hujjatda yordam miqdori o’ta katta va maqsadga muvofiq emas deb, birorta qonunchi unga ovoz bermagan.

“Odamlarga vaksina kerak. Bolalar maktabga, kattalar ishga qaytishi kerak. Ammo demokratlar inqirozdan o’z foydasi yo’lida foydalanishga harakat qilyapti”, - deydi Vayoming shtatidan Senatga saylangan Jon Barraso.

Demokratlarning aytishicha, aksariyat amerikaliklar yordam paketini qo’llab-quvvatlamoqda. So’nggi ijtimoiy so’rovda qatnashganlarning 61 foizi shunday fikr bildirgan.

Vakillar palatasining demokrat spikeri Nensi Pelosiga ko’ra, respublikachilar oyog’ini faqat Vashingtonda tirab olgan.

“Qolgan barcha shtat va jamoalarda odamlar bundan foyda ko’rmoqda”, - deydi u.

Qonunchilar AQSh janubiy chegarasi tomon oqib kelayotgan migrantlar masalasida ham chiqisha olmayapti. Respublikachilar bunda sobiq prezident Donald Trampning immigratsion cheklovlarini bekor qilgan Baydenni ayblasa, demokratlar nazarida, bunday vaziyatning kelib chiqishiga Tramp siyosati aybdor.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG