Breaking News

Obama boy amerikaliklar uchun soliq imtiyozlari yo'q demoqda


Obama nazarida bu 10 yilda davlat xazinasiga 700 milliard dollarga tushadi. Respublikachilar esa bunday imtiyozlarsiz iqtisodiyotni tiklab bo'lmaydi, deydi.

Prezident Barak Obama aholiga iqtisodiy siyosatini targ'ib qilar ekan, yutuqlarga erishyapmiz, deydi. Prezident Virjiniya shtatida kichik biznes vakillari va ba'zi oilalar bilan uchrashib, iqtisodiy tiklanish yo'lida muxolif respublikachilar bilan hamkorlik istiqbollari haqida so'zlagan. Virjiniya saylovlarda azaldan respublikachilarga ovoz beradigan shtat.

Prezident Obama so'nggi paytda aholi bilan muloqot qilishning yangicha, norasmiy shakliga o'tgan. Avval biror oila uyida mehmon bo'lib, ularga hukumatning iqtisodiy siyosati qanday natija berayotgani haqida so'zlab beradi, so'ng mavzuni mahalladagilar va mahalliy ishbilarmonlar doirasida davom ettiradi.

Kecha ham xuddi shunday bo'ldi. Virjiniyaning Vashington yaqinidagi Feyrfaks shahrida bir oilada bo'lib, ularning savollariga javob bergan, iqtisodiy siyosatini tushuntirishga harakat qilgan.

Obama sobiq prezident Jorj Bush davrida badavlat odamlarga berilgan soliq imtiyozlariga qarshiligini yashirmaydi.

"Respublikachilar yiliga bir million dollardan ko'p pul ishlovchi odamlarga 100 ming dollarini qaytarmoqchi, ammo 10 yilda bu davlat xazinasiga 700 milliard dollarga tushadi", - deydi u.

Prezident rejasiga ko'ra, badavlat amerikaliklarga soliq imtiyozlari bekor qilinib, yiliga 200 ming dollargacha daromad oluvchi shaxslar va 250 ming dollargacha pul topuvchi oilalarga esa uzaytiriladi.

Respublikachilarning Vakillar Palatasidagi sardori Jon Beynerning aytishicha, iqtisodni jadallashtirish, ish o'rinlarini yaratish uchun barcha toifalarga soliq imtiyozlari berish kerak.

Muxolifat nazarida badavlat odamlargina ko'p miqdorda ish o'rinlari yaratish imkoniga ega. Oq uy matbuot kotibi Robert Gibbsning aytishicha, iqtisodiyot aynan respublikachilar siyosati tufayli tushkunlikka uchragan.

Demokratlarning Senatdagi sardori Garri Rid esa qonunchilarni siyosiy o'yinlarni chetga surib qo'yib, amaliy taklif kiritishga chaqirmoqda.

"Tadbirkorlarga ham, ishsiz qolgan odamlarga ham quruq gaplar qiziq emas", - deydi u.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

XS
SM
MD
LG