Breaking News

Falastin bosh muzokarachisi Soib Erekat koronavirusdan o'ldi


Soib Erekat

Falastinning ko’zga ko’ringan arboblaridan biri, Isroil bilan muloqotda bosh muzokarachi bo’lgan Soib Erekat koronavirusdan vafot etdi. Mamlakat Prezidenti Mahmud Abbos uch kunlik motam e’lon qildi.

Xalqaro hayot – 10-noyabr, 2020-yil
Iltimos, kuting...

No media source currently available

0:00 0:09:07 0:00

65 yashar Erekat 1990-yillardan beri muzokaralarda qatnashib kelgan, ko’plab AQSh va Isroil rahbarlari bilan uchrashgan. Marhum AQSh Prezidenti Donald Trampning G’arbiy Sohil bo’yicha nazoratni Isroilga topshiruvchi Yaqin Sharq tinchlik rejasiga keskin qarshilik bildirganlardan biri edi.

Isroil-Falastin tinchlik muzokalari 2014-yilda to’xtab qolganida Erekat Falastin davlatchiligiga faqat muzokara orqali erishish kerakligiga urg’u bergan edi, garchi bunga 50 yil ketsa ham.

Falastin Ozodlik Tashkiloti bosh kotibi vazifasini bajargan siyosatchi koronavirusga uchraganini 8-oktabr kuni ma’lum qilgan edi. Bundan uch yil oldin Erekatning AQShda o’pkasi transplantatsiya qilingan edi. Amaliyot uning immunitetini zaiflashtirgani aytilmoqda.

Arbob uch hafta oldin Quddusdagi kasalxonaga joylashtirilgan edi. Dafn marosimi 11-noyabr kuni G’arbiy Sohilning Iyerixon shahrida bo’lib o’tadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG