AQSh Mudofaa vaziri Chak Xeygel (chapda) va Prezident Obama
Bugun AQSh Mudofaa vaziri Chak Xeygel iste'fo berdi. Prezident Barak Obama bu haqda bugun Oq uyda e'lon qildi. U Xeygelga ikki yillik xizmati uchun minnatdorchilik bildirdi. Vazir esa o'z navbatida Obama va uning siyosatini bundan keyin ham qo'llab-quvvatlashini bildirdi.
Obama ma'muriyatidan olingan ma'lumotlarga qaraganda, prezident so'nggi ikki hafta davomida milliy xavfsizlik kengashida bir necha bor majlis qilib, nihoyat juma kuni Xeygeldan lavozimini bo'shatishni so'ragan. Mudofaa vaziri demokrat prezident jamoasining yagona respublikachi vakili edi.
"Nyu-York Tayms" gazetasiga ko'ra, Obama Xeygelning "Islomiy davlat"ga qarshi kurashni eplay olishiga shubha bildirgan va boshqa odamni bu lavozimga tayinlamoqchi.
Kuzatuvchilar uch nomzod haqida mulohaza qilmoqda. Bular mudofaa vazirining sobiq o'rinbosari Mishel Flornoy, Roud-Aylend shtatidan senator Jek Rid va mudofaa vazirining sobiq muovini Eshton Karter.
Yangi vazir tayinlanmaguncha Xeygel ishini bajarib turadi.
Amerika Mudofaa vaziri Chak Xeygl ishdan ketadi
1/11Qo'shma Shtatlar Mudofaa vaziri Chak Xeygl dushanba kuni Prezident Barak Obamaga ishdan ketish qarorini e'lon qildi. Obamaning aytishicha, vazir o'tgan oy xizmatini yakunlash fursati yetgani haqida gap ochgan. Yangi vazir tayinlanguniga qadar Chak Xeygl ishini davom ettiradi.
2/11Chak Xeygl, general Martin Dempsi Kapitoliyda, Qurolli kuchlar qo'mitasida "Islomiy davlat"ga qarshi kurash borasida hisobot berayapti. 13-noyabr, 2014-yil.
3/11Chak Xeygl Pentagonda. 14-noyabr, 2014-yil.
4/11Mudofaa vaziri Chak Xeygl Shimoliy Karolinadagi harbiy mashqlarda askarlar bilan uchrashmoqda. 18-noyabr, 2014-yil.
5/11Prezident Barak Obama, Mudofaa vaziri Chak Xeygl Oq uyda matbuot bilan uchrashuvda Ebola xavfi haqida so'zlayapti. 15-oktabr, 2014-yil.
6/11Pentagon rahbari Chak Xeygl endi lavozimiga kirishgan paytda. 27-fevral, 2013-yil.
7/11Senator Chak Xeygl Nebraskada tarafdorlari bilan ko'rishayapti. 18-dekabr, 2008-yil.
8/11Prezidentlikka nomzod demokrat Barak Obama, Deyvid Petreus, Chak Xeygl Bag'dodda. 21-iyul, 2008-yil.
9/11Prezident Jorj Bush, Senator Chak Xeygl Nebraskada. 12-may, 2003-yil.
10/11Senator Chak Xeygl, Senator Jon Kerri Vyetnam memorialida. 7-mart, 1997-yil.
11/11Chak Xeygl (o'ngda) Vyetnamda xizmatda. 1968-yilgi surat.
Previous slide
Next slide
Amerika Ovozi
"Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.
