Breaking News

Erdog'an: Ayasofiyada namoz o'qish 24-iyuldan boshlanadi


Turkiya Prezidenti Rajab Toyib Erdog’an Istanbuldagi Ayasofiya muzeyini masjidga aylantirish qarori ketidan maskan musulmonlar, nasroniylar, xorijliklar uchun ochiq bo’lishini aytdi. Unga ko’ra, Ayasofiya ichida ilk namoz 24-iyul kuni o’qiladi.

Xalqaro hayot – 14-iyul, 2020-yil
Iltimos, kuting...

No media source currently available

0:00 0:09:27 0:00

Hukmron “Adolat va taraqqiyot” partiyasining so’zlovchisi Umar Chelikning aytishicha, namoz vaqtlarida ichkaridagi nasroniy mozaikalar parda yoki lazer nuri bilan to’sib turiladi, boshqa payt to’siqlar olib tashlanadi.

15 asrlik tarixga ega majmua avval nasroniy Konstantinopolda cherkov bo’lgan, usmoniy turklar 1453-yilda shaharni ishg’ol qilganidan so’ng masjidga aylantirildi. 1923-yilda Turkiyada dunyoviy respublika e’lon qilinadi, Ayasofiya esa 1935-yildan shu kungacha muzey vazifasini bajarib kelayotgan edi.

Erdog’anning Ayasofiyani yana masjidga aylantirish qarori Gretsiya, Qo’shma Shtatlar, Rossiya, YUNESKO tashkiloti va qator boshqa davlatlar tanqidiga uchradi. Erdog’an bu qaror mamlakat ichki ishi ekanini aytib, tanqidlarni Turkiya mustaqilligiga hujum sifatida qabul qilishini bildirdi.

Rim Papasi Benedikt XVI bu qarordan taassufda ekanini aytdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG