Breaking News

Uyg'urlar va gonkongliklar Berlinda Xitoyga qarshi namoyish qildi


Surgunda yashovchi gonkonglik siyosiy faol Natan Lo Xitoy Tashqi ishlari vaziri Van Yining Germaniyaga tashrifi oldidan Berlinda Xitoyga qarshi namoyish uyushtirdi. Germaniya Tashqi ishlar vazirligi binosi qarshisida o’tgan namoyishda ko’plab uyg’urlar ham qatnashdi.

Xalqaro hayot – 1-sentabr, 2020-yil
Iltimos, kuting...

No media source currently available

0:00 0:09:30 0:00

Natan Lo Germaniya hukumatini Xitoyning iyun oyida Gonkong xavfsizligiga doir qabul qilgan qonuniga qarshi turishga chaqirdi.

“Xitoy mavzusiga kelganda Berlin sukut saqlaydi. Gonkong mavzusida ham shunday”, - dedi faol.

Sharqiy Turkiston bayroqlari bilan namoyishga qo’shilgan uyg’urlar Shinjonda millionlab millatdoshlarining qatag’on etilayotganiga norozilik bildirdi.

To’rt yil oldin 23 yoshida Gonkong parlamentiga saylangan Lo orolda demokratik harakatning yetakchi vakillaridan bo’lgan. Xitoyning Gonkong xavfsizligiga doir qonuni kuchga kirishi bilan faol Londonga ko’chdi.

Xitoy tashqi ishlar vaziri germaniyalik hamkasbi Xayko Maas bilan uchrashdi. Germaniya muxolifati nemis sanoatini Xitoy bilan biznes qilmaslikka, Gonkongdagi demokratik faollarni qo’llab-quvvatlashga chaqirmoqda.

Yevropa bo’ylab safarga chiqqan Van Yi Italiya, Fransiya, Niderlandiya, Norvegiyada ham bo’lishi kutilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG