Breaking News

Gonkongda majburiy karantin ijrosi bilak monitori orqali nazorat qilinmoqda


Gonkong ma’muriyati COVID-19 pandemiyasi tarqalishining oldini olish maqsadida xorijlik sayyohlar va chet eldan qaytayotgan fuqarolarining 14 kunlik majburiy karantinga rioya qilishini nazorat etish maqsadida ularning bilagiga maxsus monitor taqmoqda.

Karantin fevral oyida e’lon qilingan, 14-martdan boshlab esa bilak monitorlari joriy etilgan.

Mahalliy rasmiylarning aytishicha, Gonkongda virus tarqalishiga asosan xorijdan kelayotgan odamlar, xususan Yevropaning kasallik keng tarqalgan mamlakatlari va AQShdan qaytgan gonkonglik talabalar sabab bo’lgan.
Majburiy karantin paytida uyda yoki o’z hisobidan mehmonxonada turish mumkin.

Xalqaro aeroportga uchib kelayotgan har bir yo’lovchining bilagiga nazorat monitori taqilmoqda.

Agar karantindagi odam uy yoki mehmonxonani tark etsa, uning telefoniga ortga qaytish buyrug’i bitilgan xabar tushadi. Sog’liqni saqlash vazirligi va politsiya bundan xabardor etiladi.

Karantindagi odam tartibga rioya qilayotganini tasdiqlab turishi uchun bilagidagi monitorni suratga olib yuborishi kerak bo’ladi. Aks holda politsiya chora ko’rishi mumkin.

Ko’plab mamlakatlarda karantin qoidalarini buzgan odamlarga jarima solinadi va hatto jinoiy modda qo’llaniladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG