Breaking News

Texasda toshqin jabrdiydalariga ko'maklashayotgan ko'ngillilar


Xyustonda qutqaruv ishlari davom etmoqda
Iltimos, kuting...

No media source currently available

0:00 0:02:12 0:00

Texasda yomg’irlar tingan bo’lsa-da, to’g’on va daryolar yaqinidagi mahallalar hanuz toshqin xavfidan xoli emas. Janubiy shtatning Xyuston shahri o’z tarixidagi eng dahshatli dovul bilan yuzlashdi, 30 dan ziyod odam halok bo’lgan. Turli shaharlardan kelgan ko’ngillilar o’z qayiqlarida jabrdiydalarga yordam ko’rsatmoqda.

Ko’ngillilar suv bosgan mahallalarni kezib, uyini tark etishga ulgurmagan odamlarni qidirmoqda.

“Shahar markaziga borib, uyini tark etishga ulgurmagan odamlarni qutqardik”, - deydi Piter Chau.

U vyetnamlik muhojirlar farzandi. Volontyorlar bir-birini tanimaydi, lekin oiladekmiz, deydi Chau.

“Qaysi millat, irq vakilisiz, buning ahamiyati yo’q. Bir-biriga yordam berayotgan texasliklarmiz”, - deydi Piter Chau.

Debbi Vinters toshqinda bor-butidan ayrildi.

“Suv uyning ikkinchi qavatigacha ko’tarildi, uchinchi qavatga chiqib omon qoldik. Biz ketgandan keyin erim uyni qo’riqlash uchun qoldi. Uni qayiqlarda qutqarishdi”, - deydi ayol.

Ba’zilar aynan o’g’ri-talonchilardan xavotirlanib, uyini tark etmayapti.

“Uyining ikkinchi qavatida o’tirgan odamlarni uchratdik. Yordamni rad etishdi, nachora”, - deydi ko'ngilli Jastin Albert.

Xyustonning shimoliy qismi deyarli butunlay evakuatsiya qilingan. Qutqaruvchilar mana bu uydan ikki itni topishdi.

“Televizorni tomosha qilsangiz, nuqul salbiy yangiliklar. Ammo fojia yuz berganda biz amerikaliklar bir yoqadan bosh chiqara olamiz”, - deydi Albert.

“Demokrat va respublikachilar, sud va ijroiya organlari, siyosatchilarimiz birga ishlashni bizdan o’rgansa bo’lardi. Oddiy odamlarmiz, to’qqizdan beshgacha ishlaymiz, oila boqish kerak. Lekin musibat yuz berganda birlashdik”, - deydi ko’ngillilardan biri.

Toshqindan tiklanish, uylar, maktablar va Xyuston infrastuzilmasini qayta qurish uchun milliardlab dollar talab qilinadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG