Breaking News

Iroqdagi portlashlarda qariyb 60 odam halok bo’ldi


Bugun Iroqning bir necha shaharlarida bomba xurujlari sodir etilib, kamida 58 odam o’lgan. Anbar viloyatida esa al-Qoida terror tizimiga aloqador sunniy jangarilar yanada kattaroq hududni egallab olgan.

Bosh vazir Nuri al-Malikiy televideniye orqali qilgan nutqida terrorizm va al-Qoidaga qarshi kurash davom etishini ta’kidladi. Xalqaro hamjamiyat bizga yordamini ayamasin, deydi u.

Eng qonli portlash Iroqning Buhriz shahrida ro’y bergan. Bir odam dafn marosimi paytida o’zini portlatishi oqibatida 18 kishi halok bo’lgan.

Poytaxt Bag’dodda shia mahallalarda bomba joylashtirilgan kamida olti mashina portlagan. Xurujlar ortida kim turgani ma’lum emas.

Hafta boshida Iroqda bo’lgan BMT bosh kotibi Pan Gi Mun mamlakatda zo’ravonlik sur’ati oshib borayotganidan tashvish bildirdi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG