Breaking News

Isroil harbiy aviatsiyasi G’azo Sektorini havodan o’qqa tutgan


G'azo shahri Isroil havo hujumidan so'ng

Yakshanba tunda Isroil harbiy aviatsiyasi G’azo Sektorini havodan o’qqa tutgan. Bu mamlakat Mudofaa vazirligining bildirishicha, hujum XAMAS va “Islomiy jihod” guruhlari Isroilga otgan raketalarga javob bo’ldi. G’azodan kelgan hujum natijasida isroillik bir fuqaro nobud bo’lgan, raketalarning aksariyatini Isroilning “Temir gumbaz” havo mudofaasi sistemasi urib tushirgan.

Falastinliklarning bildirishicha, Isroil hujumida uch kishi o’lgan, to’qqiz nafari yaralangan.

Qo’shma Shtatlar zo’ravonliklarda XAMASni ayblab, Isroil o’z hududini mudofaa qilishga haqqi bor ekanini ta’kidlamoqda.

Parijda Birinchi jahon urushi yakuniga bag’ishlangan tadbirda qatnashgan Isroil Bosh vaziri Benyamin Netanyaxu vataniga erta qaytishga majbur bo’ldi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG