Breaking News

AQShning Isroildagi elchixonasi Quddusga ko'chirildi


AQShning Quddusdagi elchixonasi

AQSh elchixonasi Quddusga ko'chirilar ekan, G'aza sektorida ro'y bergan namoyishlarda kamida 55 falastinlik halok bo'lgan, minglab odam yaralangan. Bu raqamlar oshib borishi kutilyapti.

Isroil Bosh vaziri Benyamin Netanyaxu uning davlati sektorda hukmron HAMAS guruhidan o'zini himoya qilayotganini aytadi. Falastin ma'muriyati voqeani "qirg'in" deb atadi. BMT esa inson huquqlari qo'pol buzilgani haqida bong urmoqda.

AQSh Isroil davlatiga asos solinganining 70 yilligida Quddusda yangi elchixonasini ishga tushirdi. Quddus sharqini bo'lajak poytaxt deb bilan falastinliklar namoyishlar uyushtirdi.

Prezident Donald Tramp Quddusni Isroil poytaxti deb tan olgani jahon bo'ylab qoralangan. Isroil esa qarorni tarixiy deb olqishlamoqda.

Tramp elchixonaning ochilish marosimiga videomurojaat yo'llagan. Marosimda uning qizi va maslahatchi Ivanka Tramp hamda kuyovi Jared Kushner qatnashgan. (VIDEO)

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG