Breaking News

Musulmonlar al-Aqso masjidiga kirish cheklanganidan norozi


Falastinlik bir odam metallodetektordan o'tyapti, Quddus, Isroil
Falastinlik bir odam metallodetektordan o'tyapti, Quddus, Isroil

O’tgan hafta Isroilning uch arab fuqarosi Quddusda ikki politsiyachini otib o’ldirganidan so’ng hukumat al-Aqso masjidiga kirishda metallodetektor o’rnatib, juma kuni masjidni yopib qo’ydi. Islom dunyosining ko’zga ko’ringan vakillari Isroilning bu qarorini qoralab chiqdi.

Isroil politsiyasi matbuot kotibi Miki Rozenfeldning aytishicha, bunday xavfsizlik choralari hududga shubhali odamlar kirishining oldini olish uchun qilindi.

“Metallodetektordan o’tgan musulmonlar, sayyohlargina ichkariga qo’yiladi”, - deydi u.

Iordaniya musulmonlari idorasi Isroil cheklovni bekor qilmaguncha namozni masjidda emas, balki boykot sifatida tashqarida o’qishga chaqirmoqda.

Turkiya bosh vaziri o'rinbosari No'mon Kurtulmush Isroil qarorini qoraladi.

"Masjid 1967-yildan beri yopilmagan, birorta juma namozi qoldirilmagan edi. Isroil bahonasi bilan qilingan bu ishni hazm qila olmaymiz. Bu insoniyatga qarshi jinoyat, diniy erkinlikning buzilishi", - dedi turk rasmiysi.

Checheniston Prezidenti Ramzan Qodirov ham masjidning juma kuni yopilganini tanqid qildi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG