Breaking News

Olmosbek Otamboyev Qirg'izistonda bosh vazirlikka tayyorlanmoqda


Olmosbek Otamboyev (chapda) va sobiq prezident Qurmanbek Bakiyev
Olmosbek Otamboyev (chapda) va sobiq prezident Qurmanbek Bakiyev

Otamboyevning Sotsial-demokratlar partiyasi Ota-Makon va Respublika partiyalari bilan koalitsiya tuzgan.

Qirg'izistonda oktabr oyidagi parlament saylovlari ketidan partiyalar koalitsion hukumat tuzishga kirishib, muvaqqat hukumatda Roza Otunbayevaning birinchi o'rinbosari lavozimida ishlagan Olmosbek Otamboyev o'z boshchiligidagi Sotsial-demokratlar partiyasi "Ota-Makon" sotsialistlar partiyasi va saylovlarda beshinchi o'rinni olgan "Respublika" bilan ittifoq tuzgani haqida ma'lum qilgan.

Otamboyev yangi hukumatda bosh vazirlikka da'vo qilmoqda.

Saylovlar natijalariga ko'ra, besh partiya 120 deputatlik parlamentga kirgan. "Ota-Yurt" va sobiq bosh vazir Feliks Kulovning "Or-Nomus" partiyalari vakillari ham qonunchilik organida. "Ota-Yurt" a'zolari aprel oyidagi g'alayon oqibatida hokimiyatni tashlab, mamlakatni tark etgan sobiq prezident Qurmanbek Bakiyevga aloqadorligi aytilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG