Breaking News

Los-Anjelesga sayohat. Shahar haqida umumiy ma'lumot


Los-Anjeles shahri AQShda aholi soni bo’yicha Nyu-Yorkdan keyin ikkinchi o’rinda turadi. “Farishtalar shahri” deb nomlanuvchi bu joy bir vaqtlar Kaliforniya shtati bilan birga Meksika tarkibida bo’lgan. Shahar bir tarafdan tog’lar bilan, ikkinchi tarafdan esa Tinch okeani bilan o’ralgan.

Los-Anjelesga sayohat. Shahar haqida umumiy ma'lumot
Iltimos, kuting...

No media source currently available

0:00 0:05:35 0:00

Iqtisodiy qudrati bo’yicha dunyodagi yirik shaharlar orasida Los-Anjeles o’ntalikka kiradi. Bu yerda ikki bor yozgi Olimpiya o’yinlari o’tkazilgan, shahar 2028-yilda musobaqaga uchinchi bor mezbonlik qiladi.

Los-Anjelesni dunyoga tanitgan joy bu – Gollivud. Dunyodagi yirik kinokompaniyalarning oltitasi Gollivudda joylashgan. Bu yerda har yili yuzlab kartinalar ishlanadi. Amerikaning musiqa va boshqa ko’ngilochar sanoatlari markazi ham Los-Anjeles.

Los-Anjelesga sayohat qilgan odam kamida uchta joyni ko’rmay qaytmaydi. Birinchisi bu “Gollivud” yozuvi tushirilgan tepalik. 1923-yilda bir kompaniya reklamasi sifatida bir yarim yilga qo’yilgan salkam 14 metrlik yozuv, bugunga kelib dunyoda eng yirik va ommabop kino markazi ramziga aylangan.

Los-Anjelesning sayohatchilar bilan gavjum ikkinchi joyi bu Gollivud rayonidagi Shuhrat xiyoboni. 18 kvartalga cho’zilgan xiyobon yo’laklarida misdan ishlangan 2600 dan ziyod yulduzlarga dong’i ketgan aktyor va aktrisalar, prodyuserlar, musiqachilar, teatr va myuzikl guruhlari, kino va multfilm qahramonlarining ismlari o’yib yozilgan. AQShning 45-prezidenti Donald Trampga bag’ishlangan yulduz ham bor. Tramp xalqaro go’zallik tanlovlarini uyushtirishdagi xizmatlari uchun bu sharafga 2007-yilda muyassar bo’lgan.

Los-Anjelesga kelgan mehmonlar Beverli-Xillzni ham ko’rishga oshiqadi. Gollivud yulduzlari yashaydigan shaharcha hashamatli uylari bilan ajralib turadi. 2013-yilda O’zbekistonning birinchi Prezidenti Islom Karimovning kenja qizi Lola Karimova salkam 50 million dollarga Beverli-Xillzdan saroydan qolishmaydigan uy sotib olgan.

Los-Anjelesda hayot qimmat, yo’llardagi tirbandlik bo’yicha Amerikada deyarli birinchi o’rinda, biroq havosining mo’tadilligi bilan ko’plarni o’ziga tortadi.

Los-Anjeles ko’p elatli shahardir. Meksikaliklar, xitoylar, armanlar, yahudiylar, eronliklarni ko’p uchratish mumkin. Asosan Nyu-York va uning atrofida qo’nim topadigan o’zbekistonliklar so’nggi yillarda Los-Anjelesga ham kelmoqda.

"Amerika Ovozi" Los-Anjelesda kinorejissyor Bahodir Yo’ldoshev, aktyor Ahmad Berdimurodov, Gollivud yulduzlari bilan ishlagan soch ustasi Shirin Gulyamova, qo’shiqlari xitga aylangan o’zbekistonlik xonanda Arsen Petrosov, jamoatchi faol Madina Xolmurodova bilan uchrashdi.

Bu insonlar haqidagi reportajlarimizni yaqin kunlarda “Amerika Ovozi”da tomosha qiling.

  • 16x9 Image

    Odil Ruzaliev

    Odil O'zbek xizmatiga 2005-yilda kelgan. Diktor va prodyuser. AQShning Tafts Universitetida (Tufts University) xalqaro aloqalar sohasida magistrlik darajasini olgan. Ungacha O'zbekiston TV 1-kanalida ingliz tilidagi yangiliklar – FCN (First Channel News) – ko'rsatuvining muallif-boshlovchisi edi. "Axborot" dasturida mehnat qilgan. Odil ko'p yillar AQShning Toshkentdagi elchixonasi axborot bo'limida ishlagan. O'zbek, ingliz va rus tillarida chop etilgan qator maqolalar muallifi. Farg'ona shahrida tug'ilgan.

    Odil Ruzaliev is a reporter, radio and TV anchor, web editor and producer for Voice of America’s Uzbek Service since 2005. Prior to joining VOA, he worked at the State Radio and TV of Uzbekistan, BBC International’s Central Asia region, and was a regular Contributor for CNN World Report. He has also worked as an Information Assistant at the US Embassy in Tashkent, Uzbekistan. He was the creator and host of the TV program First Channel News, Uzbekistan’s first English language news broadcast. In his spare time he is a freelance photographer. A native of Ferghana Valley, Uzbekistan, Odil graduated from the Uzbekistan State World Languages University. In addition, he was an exchange student at Pace University in New York City and holds a master’s degree in international affairs from the Fletcher School of Law and Diplomacy at Tufts University in Medford, Massachusetts.

Facebook Forum

XS
SM
MD
LG