Din

Berlinda liberal masjid ochildi

  • Amerika Ovozi

Masjidning ochilishida ayol kishi imomlik qildi

Germaniya poytaxti Berlinda liberal masjid ochildi. “Ibn Rushd Gyote” masjidini ayollar huquqlari faoli, turk-olmon huquqshunosi va yozuvchisi Seyran Atesh ochdi. Uning aytishicha, bu masjidda ayollar ro’mol o’rashi yoki hijob kiyishi shartmas, erkaklar bilan yonma-yon namoz o’qiydi.

Juma kuni masjidning ochilish marosimida amerikalik islomshunos ayol Ani Zonneveld imomlik qildi.

54-yashar Ateshning aytishicha, masjid hozircha lyuteran cherkovining uchinchi qavatida ishlab turibdi, ammo kelajakda o’z binosiga ega bo’lmoqchi. Unda ilmiy-tadqiqot markazi hamda gomoseksual erkak va ayollar uchun markaz bo’lishi kutilmoqda.

Germaniyada ilk liberal masjidning ochilishi ijtimoiy sahifalarda ko’plab tanqidlarga uchradi. Turkiya Diniy ishlar qo’mitasi ham uni qoralab, bunday masjidni musulmonlarga qarshi provokatsiya deb atadi.

Germaniya hukumati tanqidga javoban davlat odamlarning qanday va qayerda e’tiqod qilishini belgilamasligi kerak, dedi. Atesh Berlinda arab tili va islomdan saboq olib, masjidda imomlikni o’z bo’yniga olmoqchi.

Germaniyada salkam 4,5 million musulmon yashaydi, aksariyati turklar. 3 mingga yaqin masjid bor.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG