Breaking News

Fransiya prezidenti koronavirusga uchradi


Fransiya Prezidenti Emmanuel Makron koronavirus yuqtirgani xabar qilinmoqda. Davlat rahbari o’zini boshqalardan bir haftaga izolyatsiya qilgan, masofadan turib ishlaydi. Turmush o’rtog’i Brijit Makron test topshirib, virus unga o’tmagani ma’lum bo’ldi.

Xalqaro hayot – 17-dekabr, 2020-yil
Iltimos, kuting...

No media source currently available

0:00 0:10:29 0:00

“U ham odam. Bu kasallikni jiddiy qabul qilishimiz kerak”, - deydi fransuzlardan biri.

Hozir so’nggi kunlarda Makron bilan aloqada bo’lgan odamlar aniqlanmoqda. Ular orasida Yevropa rahbarlari ham bor. Makron byudjet, iqlim o’zgarishi, Turkiya masalalarini muhokama etish uchun o’tgan hafta Yevropa Ittifoqi sammitida qatnashgan.

Germaniya kansleri Angela Merkel ham test topshirgani, biroq virusdan xoli ekani ma’lum bo’ldi.

Makronning 22-dekabrga belgilangan Livanga tashrifi bekor qilindi.

Fransiya Bosh vaziri Jan Kasteksning koronavirusga testi toza chiqqaniga qaramay, u ham bir necha kun xilvatda ishlashga qaror qildi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG